2 Korintus 3:2 - Muna Southern Dialect

² Hintimiu itu ingka suha kataranga manimo, tokamo notibuhi weo totono lalo mani, dopandeꞌaane bhe nembali dobasae sabhaha mie.

2 Korintus 3:2 Iomraidhean Croise

Roma 1:8

Ametompunaꞌiane amoampe katumpuno laloku ne Lahataꞌala nesombaiku noangka ne Yesus Kristus hampano kosasawimiu itu. Ingka bhihitano kaparasaeamiu ne Yesus Kristus nokolelemo ne kosedhuniaꞌae ini.

1 Korintus 3:10

Noposahataa bhe kadawuno Lahataꞌala newaꞌaono ne idi, aembalimo peda pandeno lambu kokapandeno, padamo afongkohae sandino, bhaindo mongkohano lambuno. Ampamo kaowu seemie-seemie tabeano nakodhaga mpuu weo kahadhaano naefoehe lambu te wawono sandi amaitu.

2 Korintus 11:11

Noafa bhahaa kapugauꞌaku peda naꞌaa? Bhahaa mbaꞌinomo miina aoasiangkoomu? Ingka Lahataꞌala nopandeꞌaane aoasiangkoomu.

2 Korintus 12:15

Dadiꞌanomo idi ahelasianemo sabhaha fehebuaꞌaku so hintimiu, bhahaa bhemo wutoku ini ahelasianemo so kaetaaꞌamiu. Ane idi sadhulu kamoasiꞌaoku ne hintimiu, nopantasi bhahaa sedhulu kakongkono kamoasiꞌaomiu ne idi?

2 Korintus 3:1

⸤ Ane tapugau peda aini⸥ bhahaa kao-kaomo tasangke-sangkemo toha wuto mani? Bhahaa nokomaꞌana taefaraluu suha kataranga so hintimiu tawa namaiꞌao ne hintimiu peda nepakendo mie sigaoꞌano itu?

2 Korintus 7:3

Apugau peda ini miina amoꞌalakoomu; ingka padamo afohatokoomu insaodi ini taoasiangkoomu sepaliꞌa, dadiꞌanomo intaodiomu dosedadiꞌa semateꞌamo.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

1 Tesalonika 1:8

Kapaꞌamo nomaiꞌao ne hintimiu bhoasaono Ompu nokolelemo suano kaowu ampa we Makedonia bhe Akaya, tamaka ne amai liwu nohatomo bhihitano kaparasaeamiu ne Lahataꞌala, sampe insaodi miinamo namaraluua taetula-tulaanea.