2 Korintus 13:9 - Muna Southern Dialect

⁹ Kapaꞌamo nowula lalo mani ane taonale tamaka hintimiu moꞌosaomu. Ingka ainimo sadhia nesambaheaꞌao mani neanomo nasumangka dadimiu.

2 Korintus 13:9 Iomraidhean Croise

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

1 Korintus 1:10

Bhahitieꞌiku! Aesalo mpuu ne hintimiu weo neano Ompuntoomu Yesus Kristus, sekakolaloomu! Koise bhe powengke-wengkeꞌa ne olotamiu, tamaka fekamatangka kaseꞌisemiu, sefekihiomu.

1 Korintus 2:3

Wakutuuno amai we hintimiu itu, idi ini aonale sepaliꞌa, bhe nogugu kanau kateꞌi.

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

2 Korintus 11:30

Ane tetewei asumangke-sangke wutoku, ingka asumambili kaowu giu motiwohano kanaleku ini.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Korintus 13:4

Daanumo kanaleno Kristus notiwoha wakutuuno dokantaiꞌe te sau salipu, tamaka ampa aitu nodadi hampano kuasano Lahataꞌala. Pedamo dua anaꞌa, insaodi seꞌiseno bhe Anoa taonale, tamaka hampano kuasano Lahataꞌala tadumadi tapoowa bhe Anoa so kaetaaꞌamiu.

2 Korintus 4:12

Pedamo anaꞌa insaodi sadhia taewiseki mate, tamaka hintimiu meꞌawaomu dadi.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

1 Tesalonika 3:10

Mentae mohondo tampuu-mpuunie sepaliꞌa taesalo ne Lahataꞌala, neanomo naembali toha dapoꞌawa-awaomu, tamokapoangkoomu nemokaeꞌaomiu weo kaparasaeamiu.

2 Timotius 3:17

Ane nada anaꞌa, manusia fehebuaꞌano Lahataꞌala nasumangkamo bhe katokano so nahumabuꞌao sabhaha metaaꞌano.

Ibrani 12:23

Hintimiu mai meangkafiomu hompuꞌa mohame, hompuꞌando umati sanea anaꞌi titiisano Lahataꞌala, toka tibuhino nea te surugaa. Hintimiu mai fewiseomu ne Lahataꞌala, bhitahakino kosasawindo manusia. Hintimiu powiseomu bhe rohindo mie banara toka mosangkano dadi.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

Ibrani 6:1

Dadiꞌanomo dohunsaeꞌanaomu kadeki kafoinaꞌu kabhao-bhaono pokaiꞌano bhe Kristus, maka damopansuhueꞌomu dapoguhuꞌao so dadi motangka peda mie marasaeano. Koemo tadofendu-fenduaꞌomu kafoinaꞌu kabhao-bhaono, putae manusia tetewei nametompaꞌao podiu meowano mate, maka damarasaea ne Lahataꞌala.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.