2 Korintus 13:8 - Muna Southern Dialect

⁸ Kapaꞌamo pae bhe so nepooli mani ane tapoewangi bhe kabanara, so nepooli mani ampamo tamangkafi kabanara.

2 Korintus 13:8 Iomraidhean Croise

Markus 9:39

Tamaka Yesus notobhoosi, “Koise eleꞌaaneomua, hampano pae bhe so mehabuno giu timenteꞌaono namake neaku, lasao dua naꞌumumbu kanau.

2 Korintus 10:8

Ingka paemo aambanoa, mahingga adho asumangke-sangke wutoku putae insaodi ini taeꞌawa kuasa ne Ompu, o kuasa so tamekamatangkaꞌao kaparasaemiu, suano kuasa so mohansurukoomu.

2 Korintus 13:10

Kanandooꞌanomo abuhiangkoomu suha aini tinangke dopokodoꞌotiomu, neanomo humato dapoꞌawa-awaomu paise namaraluua amake kuasano Lahataꞌala aꞌumosapikoomu. Kapaꞌamo kuasano Lahataꞌala nowaꞌa kanaꞌe so amekamatangkaꞌao kaparasaeamiu, suano kuasa so mohansurukoomu.

2 Korintus 13:7

Insaodi tasambahea ne Lahataꞌala keana mehabuomu modaiꞌano. Patudhu mani suano so notiwohaꞌao putae taka mani nokohasilimo, tamaka neanomo hintimiu mehabuomu metaaꞌano. Hunsaꞌanomo wohaꞌano taka mani miina nakohasilia.

2 Korintus 13:9

Kapaꞌamo nowula lalo mani ane taonale tamaka hintimiu moꞌosaomu. Ingka ainimo sadhia nesambaheaꞌao mani neanomo nasumangka dadimiu.

1 Timotius 1:20

Ne olotando mie pedando naꞌa notilentumo ndo Himeneus bhe Aleksander. Andoa ini atawakalaandamo ne Kafeompuꞌando seetani so domandaꞌao damekaꞌaebu Lahataꞌala.