2 Korintus 13:5 - Muna Southern Dialect

⁵ Tiisangi totono lalomiu bhahaꞌi kotu-kotuꞌu parasaeaꞌomu ne Kristus. Udhi wutomiu! Miina mandeꞌaaneomu gahaꞌa putae Kristus Yesus nodadi weo totono lalomiu? Ane pae nada naꞌa, ingka miina mooliomu kaꞌudhi anaꞌa.

2 Korintus 13:5 Iomraidhean Croise

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

Yohanes 15:4

Seꞌiseomu bhe Idi, o Idi aseꞌise bhe hintimiu. Haꞌano angguru miina nakobhake maiꞌao ne wutono, simbali notai ne puꞌuno angguru. Pedamo dua hintimiu paise kobhakeomu, ane paise seꞌiseomu bhe Idi.

Yohanes 17:23

Idi aseꞌise bhe andoa, Hintu seꞌise bhe Idi, neanomo nasumangka mpuu kaseꞌisendo. Ane nada naꞌa dhunia damandeꞌaane Hintumo tumudu kanau, Hintumo moasianda peda kaasimu ne Idi.

Yohanes 17:26

Idi padamo afohatoandae laꞌae Hintu itu, maka amohatoda kansuhu, neanomo kaasimu ne Idi sadaa-daa weo totono lalondo bhe aseꞌise bhe andoa.”

Yohanes 6:56

Sasuka momaano dhagiku bhe mohoꞌuno heaku noseꞌisemo bhe Idi, o Idi aseꞌisemo dua bhe anoa.

Yohanes 6:6

Kapugauꞌano peda maitu nofesoloe kaowu, kapaꞌamo Yesus nopandeꞌaanemo so nehabuno.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Roma 8:10

Ane Kristus neate weo totono lalomiu, mahinggamo mbadhamiu namate dhohono dhosa, tamaka o rohi sadaa-daa nadumadi hampano Lahataꞌala notahimakoomu peda mie banara.

1 Korintus 11:28

Seemie-seemie tabeano namahakesaa kadeki totono lalono, maka naembali naomaa roti bhe naohoꞌu ne kampohoꞌuꞌano Ompu.

1 Korintus 11:31

Tamaka ane maꞌindulu datumiisangi totono lalontoomu, paise daeꞌawa kahukumuno Lahataꞌala.

1 Korintus 3:16

Miina mandeꞌaaneomua gahaꞌa putae hintimiu itu Lambuno Lahataꞌala? Miina mandeꞌaaneomua gahaꞌa putae Rohino Lahataꞌala neate weo totono lalomiu?

1 Korintus 6:15

Bhahaa miina mandeꞌaaneomua o mbadhamiu itu ingka o katokanomo dua mbadhano wutono Kristus? Naembali bhahaa katokano mbadhano Kristus amakee so mbadhano karambole? Ingka tantumo paise!

1 Korintus 6:19

Bhahaa miina mandeꞌaaneomua mbadhamiu itu lambu mongkilo kaeateꞌano Rohino Lahataꞌala? Rohino Lahataꞌala ini neate weo totono lalomiu bhe nowaꞌangkoeꞌomu wutono Lahataꞌala. Dadiꞌanomo hintimiu itu suanomo fehebuaꞌamiu wutomiu.

1 Korintus 6:2

Miina mandeꞌaaneomua bhahaa mada kaowu so bhitahakino dhunia ini ingka o umati mongkilono Lahataꞌala? Ane mada kaowu bhitahakiomu dhunia ini, noafa bhahaa miina moolianeomu mebhitahakiomu parakara pata koꞌuluꞌa?

1 Korintus 9:24

Ingka pandeꞌaaneomu, weo pogolo-goloꞌa kosasawindo mie pogolono sanea dotende, tamaka mpahinomo seemie meꞌawano kawaꞌao so fotalono. Dadiꞌanomo tendeomu ampa kaꞌosano bukumiu so umawaꞌaoꞌomu kawaꞌao anaꞌa.

1 Korintus 9:27

Idi akanea wutoku: miina aooloanea uluku, afobhatua mbadhaku, neanomo namada aefolele Bhihita Metaa ne mie bhaiku, pae damolimba kanau ne potandingiꞌa.

2 Korintus 6:16

O ae bhahaa pokaiꞌano Lambuno Lahataꞌala bhe lambuno barahala? Ingka intaodiomu ini Lambuno Lahataꞌala dumadino, kapaꞌamo Lahataꞌala nokobhoasao, “Aeate bhe andoa, adumadi ne wunta-wuntando; o Idi aembali Lahataꞌalando, andoa daembali umatiku.”

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Galatia 4:19

Anaꞌiku kamoasiꞌaoku, ampa aitu akadee-dee toha mbaꞌinomo hintimiu, tapedamo kaleano seemie ina so koanano. Kakadee-deeku ini nalumagi, sampe feꞌilino Kristus kotu-kotuꞌu natiwoha weo dadimiu.

Galatia 6:4

Seemie-seemie tabeano namahakesaa diuno wutono, netaa bhahaꞌi miina. Ane netaa ingka naembali naowoseane bhakeno, ampamo kaowu koemo nopoꞌondoane bhe diuno mie bhaino.

Efesus 3:17

Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Kolose 2:19

Tamaka andoa miinamo damasande ne Kristus fofefotuꞌaono. Gahaꞌaitumo hampano nofefotuane Kristus, o mbadha ⸤ maꞌanano umati marasaeano⸥ nodadi metaa koseꞌulu-uluno, sabhaha katokano mbadha noseꞌise nopotudu-tudumiane noangkafi losuano. Pedamo anaꞌa o mbadha dhulu kabhala bhe kamatangka, noposahataa bhe patudhuno Lahataꞌala.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

1 Timotius 2:15

Tamaka mahinggamo nada naꞌa, o hobhine damosalamatie nakoana, sumanomo nokampuu-mpuu lalono weo kaparasaeano ne Kristus, noasiꞌao manusia bhaino, nodadi mongkilo, tangkanomo dadino sapantasiꞌano.

2 Timotius 3:8

Guru-guru andoa maitu doewangi kafoinaꞌu banara, tapedamo Yanes bhe Yambres doewangi Musa endefiꞌini. Fekihindo nodaimo, kaparasaeando miinamo nakofahalaaꞌa.

Titus 1:13

Wambano anabii ini nokotuꞌu daanumo. Dadiꞌanomo fekagilie katangahimu so damarasaeaꞌao kafoinaꞌu banarano.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Titus 2:2

Tangahida kamungkula moꞌane tabeano damoolie damewanaki totono lalondo, namantasi damosibhalada, bhe dakotimbangi. Kaparasaeando ne Kristus tabeano nakumampuu-mpuu, kanini kaasindo ne mie bhaindo sadaa-daa bhe dapotaami weo kasabha.

Ibrani 12:15

Dhaganieꞌomu koise bhe mekapingkano maiꞌao ne rahamatino Lahataꞌala, koise dua bhe so membalino peda kantisa mopaꞌi kohasu ne olotamiu itu, kapaꞌamo hasuno naeowa kasabha bhe naedai-dai mie bhahi.

Ibrani 4:1

Dhandino Lahataꞌala damesuakiomu kafewuleꞌano ingka sadaa-daaꞌe. Dadiꞌanomo naetaa posiꞌondoomu mpuu, keana nonandoo ne olotamiu itu so tapa humatono.

Ibrani 6:8

Tamaka ane o wite notumbuiꞌe kahoku kokihi bhe laiwongka maka wite aitu miina nakofahalaaꞌa, mada kaowu nabhatataꞌianemo Lahataꞌala maka panda-pandano dakumonsulapaiꞌe.

Yakobus 4:4

Hintimiu mie kumangkalaꞌino podhandimiu bhe Lahataꞌala. Miina mandeꞌaaneomua bhahaa putae ane posabhangkaomu bhe dhunia modai, ingka membalimoomu kaewano Lahataꞌala? Dadiꞌanomo ane dopoindalo doposabhangka bhe dhunia modai, dohabumo wutondo mbali kaewano Lahataꞌala.

1 Petrus 5:9

Ewangieꞌomu, ewangianeomu kaparasaea motangka. Ingka pandeꞌaaneomu kosasawindo bhahitiemiu marasaeano ne Kristus te dhunia ini, saneamo dua kumadee-deeno peda hintimiu.

Powoha 2:5

Dadiꞌanomo tandaiꞌe notolaumo kandalono mondawuomu! Fetompaꞌao podiu modaimiu maka suli dhalangi peda nehabumiu kabhao-bhaono. Ane paise, amaiꞌikoomu maka amala kaengkohaꞌano kantaleamu itu maiꞌao ne kaeehe-eheꞌano.