2 Korintus 13:3 - Muna Southern Dialect

³ Kapaꞌamo hintimiu meꞌondofiomu bukutii putae Kristus nokowamba noangka ne idi. Kristus miina nalumubhakikoomu tamaka nofotiwohae kuasano ne olotamiu itu.

2 Korintus 13:3 Iomraidhean Croise

Matius 10:20

Suanomo hintimiu so mugauno, tamaka Rohino Amamiu te surugaa so kosuahano namangka ne hintimiu.

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

1 Korintus 7:40

Tamaka fekihiku, sedhuluꞌa dua kakodawuano ane pae nagumaa toha. Fenaiku fekihiku ini nomaiꞌao dua ne Rohino Lahataꞌala netahimaku.

2 Korintus 10:1

Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,

2 Korintus 10:4

Kapaꞌamo ewanga nepake mani suano ewangano dhunia, tamaka ewanga sumangkaꞌano bhe kuasano Lahataꞌala. Ewanga aini nomondoiꞌe nesansa sabhaha benteno liwu motangka.

2 Korintus 12:12

Wakutuuno aeate bhe hintimiu, ingka padamo afotiwohaangkoeꞌomu bukutii putae idi ini seemie rasulu. Kapaꞌamo akosabaha mpuu aehabu tanda-tanda tapa mentela, giu timenteꞌaono bhe kuasa mangaliuno.

2 Korintus 2:10

Kapaꞌamo laꞌae nemaꞌafuꞌaomiu kaꞌalano, ingka amaꞌafuanemo dua. Kapaꞌamo toka nemaꞌafuꞌaoku, ane daanumo nandoo so nemaꞌafuꞌao, ingka ahabuemo ne wiseno Kristus so kaetaaꞌamiu.

2 Korintus 2:6

Mie medando naꞌa netaamo kaowu netahima kahukumu maiꞌao ne hintimiu bhahino.

2 Korintus 9:8

Maka Lahataꞌala nokokuasa namaꞌangkoomu sabhaha kabarakatino napontalabhi-labhi, sampe sabhaha kafaraluu weo dadimiu sadhia napokapo-kapo, bhahamoa tanakolabhimo so mehabuꞌaoꞌomu sabhaha metaaꞌano.