2 Korintus 12:21 - Muna Southern Dialect

²¹ Nomihi laloku bhahasaa amai toha we hintimiu Lahataꞌala namekapanda kanau ne wisemiu, maka naokompeaha laloku hampano dobhahi ne olotamiu itu kodhosano endefiꞌini miinaꞌo bhe kofetompaꞌa. Andoa sadaa-daa dohabu kansuhu diu pokahaku, pokawite-wite bhe tapa mantasiꞌano.

2 Korintus 12:21 Iomraidhean Croise

Roma 13:13

Dadi kaitaomu mantasiꞌano peda mie meateno we mentaleaꞌano. Koe sakahame dohumaa dofohoꞌu bhe dololanu, koe dopokawite-wite bhe konafusuu modai, koe dopowengke-wengke bhe dopokondu-konduaꞌao lalo.

Roma 9:2

⸤ Patudhuku peda aini.⸥ Nokompeaha sepaliꞌa laloku, totono laloku sadhia noguguhu.

1 Korintus 5:1

Sakotuꞌuno nokolelemo bhihita putae ne olotamiu itu nandoomo habu tolauno kapokahaku. Ingka nandoo mie monsuleno bhe ina weeno. Mahinggamo mie pata mandeꞌaono Lahataꞌala miina daehabua podiu medando aitu.

2 Korintus 10:6

Ane natiwohamo hintimiu kotu-kotuꞌu membaliomu mie meangkano ⸤ ne Kristus⸥ , insaodi tamantaa-ntaa tahumukumu sabhaha mie tapa meangkano.

2 Korintus 12:7

Keana amekalangke diuku hampano powoha mangaliuno naꞌa, defopesua kanau kihi ne uluku, maꞌanano katuduno Kafeompuꞌando seetani mbalimo modee-dee kanau. Patudhuno neanomo pae amekalangke diuku.

2 Korintus 13:2

Ingka mieꞌi mehabuno dhosa endefiꞌini bhe mie sigaoꞌano dua padamo aefeꞌulaianda wakutuuno amai we hintimiu kahaa pakuno itu. Aitu nandoo dopokodoꞌotiomu, amenduaꞌangkoeꞌomu toha, humato amai mie pedando anaꞌa paemo aooloandaa daeꞌawa kahukumu.

2 Korintus 8:24

Dadiꞌanomo fotiwohaeꞌomu kanini kaasimiu ne andoa ini, neanomo tombudo umati sigaoꞌano damandeꞌaanemo bhe kawoseno bhake mani kaomponae ini tapulaoꞌao hintimiu itu nakobukutiimo.

Galatia 5:19

Kapoindalono wuto nentaleamo notiwoha ne habu pedando ini: dopokawite-wite, dopokahaku, nafusuu modai,

Kolose 3:5

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.

Ibrani 13:4

Kosasawiꞌamiu fosibhalaeꞌomu o kakawi, koise pokadengoꞌao kaodoꞌamiu, kapaꞌamo mie pokawite-witeno bhe monsuleno nabhitahakida Lahataꞌala.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

Yudas 1:23

Agoidaomu mie maiꞌao weo efi, so dosalamatiꞌao. Fotiwohaeꞌomu kabhelano lalomiu ne mie sigaoꞌano dua, tamaka poangka bhe moteꞌiomu. Bansieꞌomu mahingga pakea kapokahakuꞌando dohabu sabhaha modaiꞌano, ⸤ bhahasaa notaihikoomu⸥ .

Yudas 1:7

Feꞌulaiꞌeomu dua kotano Sodom bhe Gomora bhe liwu-liwu pomaꞌotiꞌano. Podiundo miendo kota aini tanopototomo dua bhe habundo malaꞌekati saꞌituini: dehabu sabhaha diu pokawite-wite bhe dopokagaa-gaa sapada moꞌane tawa sapada hobhine. Andoa ini dosikisaaꞌanda efi suhue dhamani, somo kafodhagando sabhaha mie.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.

Powoha 22:20

Anoa fofohatoꞌaono bhihita aini nopugau ambano, “Uumbe, apikimaimo!” Amin, maimo Hintu Ompu Yesus!