2 Korintus 12:11 - Muna Southern Dialect

¹¹ Daanumo aembalimo bhohe, tamaka hampano sekehemi kanauꞌomu hintimiu. Sakotuꞌuꞌano tabeano mudhi kanauꞌomu, hampano mahingga miina akomaꞌa-maꞌana, miina dua amepandaa ne rasuluꞌi mangaliuno naꞌa.

2 Korintus 12:11 Iomraidhean Croise

Lukas 17:10

Pedamo dua hintimiu itu, ane madamo dhumalangi kosasawiꞌae takamiu, naetaa pugauꞌomu, ‘Insaodi ini senaꞌa-naꞌa bhatua, tadhalangi kaowu taka netuduꞌao mani.’ ”

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

1 Korintus 3:22

Naetaa ndo Paulus, Apolos bhe Petrus, naetaa o dhunia, o dadi bhe mate, sampe dhamani aini bhe oleo mbuhumai ingka saneamo fehebuaꞌamiu.

2 Korintus 1:6

Ane taeꞌawa kasabha, ingka somo kalawesino lalo bhe kasalamatiꞌamiu; ane dolawesi kainsami ingka somo kalawesino lalomiu, neanomo meꞌawaomu kaꞌosa weo potaamiꞌano kakadee-dee. Kakadee-deemiu itu ingka nopototo bhe netompaloi mani.

2 Korintus 11:1

Gaoku mpuu sumabahaki kanauꞌomu ane feadho apugau ngkabhohe-bhohe; ingka kaomponano ini daanumo kosabahaomu ne idia.

2 Korintus 11:5

Tamaka anamisi wutoku miina sepaliꞌa amepandaa ne sabhaha rasulu mangaliuno naꞌa.

2 Korintus 12:12

Wakutuuno aeate bhe hintimiu, ingka padamo afotiwohaangkoeꞌomu bukutii putae idi ini seemie rasulu. Kapaꞌamo akosabaha mpuu aehabu tanda-tanda tapa mentela, giu timenteꞌaono bhe kuasa mangaliuno.

2 Korintus 12:6

Kapaꞌamo ane ibahano asumangke-sangke wutoku, ingka idi ini suano mie kabhohe-bhohe, hampano sabhaha nekowambaꞌaoku nokotuꞌu. Tamaka hunsaꞌanomo koemo apugaua, keana bhe mabhi kanau aliuꞌemo kahadhaaku newohando tawa pugauku nefetingkendo.

2 Korintus 3:1

⸤ Ane tapugau peda aini⸥ bhahaa kao-kaomo tasangke-sangkemo toha wuto mani? Bhahaa nokomaꞌana taefaraluu suha kataranga so hintimiu tawa namaiꞌao ne hintimiu peda nepakendo mie sigaoꞌano itu?

2 Korintus 5:13

Ane wohaꞌa mani taobheemo ingka hampano kaꞌondofao ne Lahataꞌala; ane wohaꞌano taototo ingka hampano so kaetaaꞌamiu.

Galatia 6:3

Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.