2 Korintus 11:26 - Muna Southern Dialect

²⁶ Idi ini sakala, nentuhumo aewiseki balaano luano oe, balaano karampasi, balaa maiꞌao ne saliwuku miendo Yahudi bhe mie suano Yahudi; aewiseki balaa weo kota, balaa we pandaso bhalano, balaa we teꞌi; aewiseki dua balaa maiꞌao ne mie mpahabhahi-bhahitieno.

2 Korintus 11:26 Iomraidhean Croise

Tula-tulando rasulu 13:45

Sadowoha kabhahindo mie peda naꞌa, miendo Yahudi dokoulamo ne Paulus bhe Barnabas sampe dofekaꞌaebuda bhe doewangi kafoinaꞌundo.

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 14:5

Pada aitu o mie suano Yahudi bhe miendo Yahudi doseꞌisemo bhe neangkaꞌindo. Andoa dosikoo-koomo damodee-dee rasulu hoduano maitu bhe dabhatumbulianda kontu ampa damate.

Tula-tulando rasulu 15:40

Tamaka Paulus nopilimo Silas. Andoa doposahunaꞌaandamo umati we Antiokia ne kabarakatino Ompu, pada anaꞌa dokalamo.

Tula-tulando rasulu 17:13

Gahaꞌa hato dofetingke miendo Yahudi we Tesalonika putae Paulus nefolele dua bhoasaono Lahataꞌala we Berea, dokalamo we kotano Berea dohodha mie damewangi Paulus bhe Silas, sampe dofekahalia bhe totono lalondo mie bhahi.

Tula-tulando rasulu 17:5

Tamaka miendo Yahudi nokoula lalondo. Desaliꞌimo mie modai lumampuno we daoa maka dosikoo-koo dehabu kahunggano liwu. Andoa dobuuti lambuno Yason, patudhundo dahumako Paulus bhe Silas maka dapowiseanda bhe mie bhahi.

Tula-tulando rasulu 18:12

Tamaka saeheno Galio mbali gubernur we Akaya, miendo Yahudi dowanusaomo doewangi Paulus maka doowae ne wiseno pande bhitaha.

Tula-tulando rasulu 19:1

Tangasano Apolos nandooꞌe we Korintus, Paulus nopalintangimo tombuno kabhawo weo kadie aitu maka nohato we kotano Efesus. Ne itu nopoꞌawaꞌao seemie hodua mie mangkafino Yesus.

Tula-tulando rasulu 19:23

Kiha-kiha wakutuumo anaꞌa nonandoo kahungga bhalano mbaꞌinomo kaangkaꞌano Ompu.

Tula-tulando rasulu 20:19

Weo kaꞌondofaoku adhalangi kahadhaano Ompu, miina amosibhala wutoku, pakade nentuhu nondawu luuku bhe nobhahi aeꞌawa kasoba maiꞌao ne miendo Yahudi so mongko kanau.

Tula-tulando rasulu 20:3

Nokapo tolu wula neate ne itu, patudhuno nahumope we kadieno Siria. Nobhingke nakumala, gahaꞌa tanonandoomo bhihita putae miendo Yahudi dopugau-gau damongkoe. Dadiꞌanomo nobhotusiemo nasumuli kundono namangka we kadieno Makedonia.

Tula-tulando rasulu 23:10

Nodhulu kaꞌosa kapowengkendo sampe panglima noteꞌimo bhahasaa dogogawi Paulus. Dadiꞌanomo netudumo tantara dasumampu daꞌumuleiꞌe maka dasumuliane te bente.

Tula-tulando rasulu 25:3

Andoa desalo kataano lalono Festus ane naembali dawowoꞌo Paulus we Yerusalem. Andoa padamo dopokanagau damongko Paulus we laano sala.

Tula-tulando rasulu 27:42

Wakutuu anaꞌa tantaraꞌi dokopatudhu damongko mie netaangi maitu keana doleni maka dofilei.

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.

Roma 8:35

Bhahaa nandoo so fopogaatiꞌaono bhe kanini kaasino Kristus? Kasabha, tawa kaseke, tawa kafodee-dee bhahaa? O kaꞌaho tawa kakaeno pakea? O balaa tawa o kapongko bhahaa?

1 Korintus 15:30

Pedamo dua insaodi, noafa bhahaa sadhia taꞌundaꞌao tapowise bhe balaa?

1 Korintus 15:32

Ane tadamekihi kaowu kamanusia, o ae fahalaano ⸤ apoewangi bhe mie bhaiku⸥ we Efesus, kao-kaomo apoewangi bhe kaꞌuhi fohumaano? Ane mie mate pae damowanuda, ⸤ tadamangkafimo wamba aini,⸥ “Humaa fohoꞌu kaitaomu, kapaꞌamo naewine damatemo.”

2 Korintus 11:32

Wakutuuno aeate we kotano Damsyik, gubernur we kafopahintaꞌano omputo Aretas netudu mie dadhumagani kagualino kota dahumako kanau.

Galatia 2:4

Daanumo nandoo mesalono peda naꞌa, tamaka andoa maitu o mie mekalisuno, dompahabhahi-bhahitie ne intaodiomu. Andoa dopesua miina daediu-diua so damata-mataiꞌao kaowu kabebasintoomu mie marasaeano ne Kristus ⸤ maiꞌao ne pahintano Musa⸥ . Patudhundo dasumuli damobhatua kaita ⸤ ne sabhaha tubhono agama Yahudi⸥ .