2 Korintus 11:18 - Muna Southern Dialect

¹⁸ Ingka dobhahimo sumangke-sangkeno wutondo peda mieno dhunia ini, dadiꞌanomo hunsaꞌanomo o idi dua asumangke wutoku.

2 Korintus 11:18 Iomraidhean Croise

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

2 Korintus 1:17

⸤ Tamaka patudhu aini padamo abhaliiꞌe.⸥ Kunaꞌemiu nomuda sepaliꞌa abhali-bhalii fekihiku? Bhahaa nokomaꞌana ane akonipatudhu aangkafi kaowu kapoindaloku wutoku sampe sekabantaha afokoꞌuumbe sekabantaha afokopaise?

2 Korintus 11:12

O ae toka nehabuku ahumabue kansuhu keana mie andoa naꞌa deꞌawa kasalawa dasumangke-sangke wutondo bhe dapugau putae kahadhaando andoa maitu nopototo bhe kahadhaa mani ini.

2 Korintus 12:1

Daanumo miina bhe fahalaano dosangke-sangke wuto, tamaka aitu tetewei asumangke wutoku amohatoangkoomu powoha bhe kafohato neꞌawaku maiꞌao ne Ompu.

2 Korintus 12:11

Daanumo aembalimo bhohe, tamaka hampano sekehemi kanauꞌomu hintimiu. Sakotuꞌuꞌano tabeano mudhi kanauꞌomu, hampano mahingga miina akomaꞌa-maꞌana, miina dua amepandaa ne rasuluꞌi mangaliuno naꞌa.

2 Korintus 12:9

Tamaka Ompu tanotobhoosi, “Nefaraluumu mpahinomo rahamatiku, kapaꞌamo kuasaku kaneꞌo nasumangka ane manusia nonale.” Dadiꞌanomo aoꞌia asangke-sangke wutoku afotiwoha kanaleku ini, neanomo sadhia nakumaolumi kanau kuasano Kristus.

2 Korintus 5:16

Dadiꞌanomo ampa aitu insaodi miinamo taetiliki kamanusiando mie bhai mani. Daanumo endefiꞌini tatilikie dua kamanusiano Kristus, tamaka haꞌoleo ini miinamo.

1 Petrus 1:24

Kapaꞌamo ⸤ notibuhi weo Kitabi,⸥ “O manusia tapedamo kahoku, sabhaha kakalabhiano kanggetu kambeano kahoku, o kahoku noleleumo, kambeano notantamo.