2 Korintus 11:10 - Muna Southern Dialect

¹⁰ Bhe kabanarano Kristus weo totono laloku, amohatokoomu: pugauku afowose bhakeku ini pae bhe so umonto-ontomiea ne kadieno Akaya itu.

2 Korintus 11:10 Iomraidhean Croise

Tula-tulando rasulu 18:12

Tamaka saeheno Galio mbali gubernur we Akaya, miendo Yahudi dowanusaomo doewangi Paulus maka doowae ne wiseno pande bhitaha.

Tula-tulando rasulu 18:27

Pada anaꞌa Apolos nopoindalo nalumimba we kadieno Akaya maka bhahitieꞌi we Efesus depakatu suha ne bhahitie marasaeano we Akaya neanomo datumahimae. Sahatono we Akaya, hampano kabarakatino Lahataꞌala Apolos nokofahalaa sepaliꞌa mbali mie marasaeano ne Yesus ne kadie aitu.

Roma 1:9

Taenomo asambahea sadhia dua afeꞌulaikoomu. Wutono Lahataꞌala sakusiino pugauku ini. Ingka Anoamo nefeompuniꞌiku sampuu-mpuuno laloku weo foleleꞌano Bhihita Metaano Anano.

Roma 16:5

Fosampe kanauꞌomu dua salam ne umati humompuno we lambudo. Fosampe kanauꞌomu dua salam ne Epenetus, bhahitie nemoasiꞌaoku; anoamo itu kabhao-bhaono marasaeano ne Kristus we kadieno Asia.

Roma 9:1

So nepugauꞌaoku ini nokotuꞌu; ingka aseꞌise bhe Kristus, miina akopahaa. Totono laloku neatono Rohino Lahataꞌala netanga-tangaꞌaomo dua kakotuꞌuno pugauku.

1 Korintus 16:15

Bhahitieꞌiku, tasehonda dua kamesaloku. Ingka pandeꞌaaneomu Stefanus bhe polambuno; andoamo mie kabhao-bhaono marasaeano we Akaya, dokahadhaa sampuu-mpuuno lalondo doꞌondofao umati marasaeano sigaoꞌano.

2 Korintus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe nomaiꞌao dua ne Timotius bhahitientoomu. Apakatue so umatino Lahataꞌala we Korintus bhe kosasawindo umati mongkilono we kosekaꞌewaꞌae kadieno Akaya.

2 Korintus 1:23

Bhe Lahataꞌala sumakusii kanau, ingka nopandeꞌaane totono laloku, pata kamaiꞌaku we Korintus itu hampano akiido amekakompeaha lalomiu.

2 Korintus 10:15

Insaodi miina tasumangke-sangke wuto mani hampano kahadhaando mie sigaoꞌano, nehabundo we sembalino kadie netida so insaodi. Ampamo kaowu taposahunaꞌao kaparasaeamiu dhulu kamatangka bhe kahadhaa mani ne olotamiu itu nasedhuluꞌa dua kalalesa, naposahataa bhe kaꞌewano kadie toka netidano Lahataꞌala so insaodi.

2 Korintus 11:12

O ae toka nehabuku ahumabue kansuhu keana mie andoa naꞌa deꞌawa kasalawa dasumangke-sangke wutondo bhe dapugau putae kahadhaando andoa maitu nopototo bhe kahadhaa mani ini.

2 Korintus 11:31

Lahataꞌala, Amano Ompu Yesus, nopandeꞌaane miina akopahaa. Natipudhi neano ampa suhue dhamani.

2 Korintus 12:19

Fenaiku nomponamo nokoduku we lalomiu insaodi tapobenteꞌao wuto mani ne wisemiu. ⸤ Ingka miina.⸥ Sabhaha pugau mani ini takowambaane ne wiseno Lahataꞌala nopoangkafi bhe kapoindalono Kristus. Bhahitieꞌiku timoasiꞌaono, bhahi-bhahiꞌae ini tahabue so kamatangkaꞌano kaparasaeamiu.

2 Korintus 9:2

Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

Galatia 1:20

Aitu bhe Lahataꞌala mandeꞌaane; nebuhiku ini nokotuꞌu, miina akopahaa.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

1 Tesalonika 2:10

Dadi mani ne olotamiu marasaeano ne Kristus nongkilo, nobanara bhe miina nakodengo-dengoa. Ingka kosasawiꞌae ini wohaaneomu wuntano matamiu; ingka Lahataꞌala nosakusiiane dua.

1 Tesalonika 2:5

Ingka pandeꞌaaneomu dua miina sepaliꞌa tamekameko-meko pugau mani, miina dua taefebuniangkoomu patudhu kumadau-dauno. Lahataꞌala sakusii mani.

1 Timotius 2:7

Kanandooꞌanomo idi ini nosangke kanau aembali guru bhe rasulu meowano bhihita ne mie suano Yahudi, amoleleanda bhihitano kaparasaea bhe kabanara. Wambaku ini nokotuꞌu, miina akopahaa.