2 Korintus 10:7 - Muna Southern Dialect

⁷ Ingka taꞌondoomu kaowu tiwohoꞌano ne wisemiu! Ane seemie nokotu-kotuꞌu noabhi wutono fehebuaꞌano Kristus, naetaa namekihi totono lalono, ingka gahaꞌa insaodi dua ini fehebuaꞌano Kristus tapedamo anoa.

2 Korintus 10:7 Iomraidhean Croise

Matius 23:5

Kosasawiꞌae kahadhaa nehabundo patudhundo so kaowu daoha mie bhaindo. Kawawe kasambaheaꞌando dofekawahe-waheꞌie, dhambe-dhambeno dhubando dofekawanta-wantaꞌie.

Lukas 16:15

Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Yohanes 7:24

Koise mebhotusiomu ampa pomatamiu, tamaka mebhotusiomu fekaꞌadhilieꞌomu.”

1 Korintus 1:12

Nepulaoꞌaoku peda aini: hintimiu itu seemie-seemie nopugau, “Idi ne wetano Paulus”, “Idi ne wetano Apolos”, “Idi ne wetano Petrus”, bhe nandoo dua mugauno, “Idi ne wetano Kristus.”

1 Korintus 14:37

Ane seemie noabhi wutono neꞌawamo kapooli nakosuaha peda anabii tawa neꞌawamo kapooli sigaoꞌano nedawuꞌaono Rohino Lahataꞌala, naetaa namahamue putae sabhaha nebuhiku ini sanea pahintano Ompu.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

1 Korintus 3:23

Tamaka wutomiu itu fehebuaꞌano Kristus, bhe Kristus fehebuaꞌano Lahataꞌala.

1 Korintus 9:1

Suano mie bebasia gahaꞌa idi ini? Suano dua rasulu gahaꞌa idi ini? Idi kunaꞌekumo padamo dua apowoha bhe Yesus Ompuntoomu. Ingka kunaꞌekumo hintimiumo itu hasilino akahadhaa so Ompu.

2 Korintus 10:1

Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,

2 Korintus 11:18

Ingka dobhahimo sumangke-sangkeno wutondo peda mieno dhunia ini, dadiꞌanomo hunsaꞌanomo o idi dua asumangke wutoku.

2 Korintus 11:23

Bhahaa andoa maitu palima-limano Kristus? Aini apugau ngkabheemo, ingka idi ini afoliuda. Idi akahadhaa moꞌosa afoliuda andoa naꞌa, kantuhuno apesua katohongku afoliuda, kantelano dosikisaa kanau afoliuda, bhahamoa nentelamo dua aewiseki mate.

2 Korintus 11:4

Kapaꞌamo wohaꞌamiu ingka tanetaaꞌimo dua ane dofohatoangkoomu Yesus poꞌalaꞌano bhe Yesus toka nefohatoꞌao mani. Wohaꞌano tahimaeꞌomu dua rohi poꞌalano bhe Rohi toka neꞌawamiu maiꞌao ne insaodi. Pedamo dua itu ingka tahimaeꞌomu dua bhihita poꞌalaꞌano bhe Bhihita Metaa toka netahimamiu maiꞌao ne insaodi.

2 Korintus 12:11

Daanumo aembalimo bhohe, tamaka hampano sekehemi kanauꞌomu hintimiu. Sakotuꞌuꞌano tabeano mudhi kanauꞌomu, hampano mahingga miina akomaꞌa-maꞌana, miina dua amepandaa ne rasuluꞌi mangaliuno naꞌa.

2 Korintus 13:3

Kapaꞌamo hintimiu meꞌondofiomu bukutii putae Kristus nokowamba noangka ne idi. Kristus miina nalumubhakikoomu tamaka nofotiwohae kuasano ne olotamiu itu.

2 Korintus 5:12

Aini miina nakomaꞌana tasangke-sangke toha wuto mani ne hintimiu, tamaka tawaꞌangkoomu kasalawa mowose kainsami bhakemiu, neanomo naembali potobhoosiomu bhe mie mefosibhalano ulano manusia, suano totono lalo.

Galatia 3:29

Ane hintimiu membalimoomu fehebuaꞌano Kristus, maka membalimoomu dua sampuꞌano Abraham, dadiꞌanomo kohakumoomu dua tumahimaomu dhandino Lahataꞌala.

1 Yohanes 4:6

Tamaka intaodiomu fehebuaꞌano Lahataꞌala, maka mie mandeꞌaono Lahataꞌala dofofetingke. Tamaka mie suano fehebuaꞌano Lahataꞌala miina dafofetingkea. Pedamo anaꞌa dopandeꞌaanemo poꞌalaꞌano Rohino Lahataꞌala bhe rohi fofekakolilinono.