2 Korintus 10:5 - Muna Southern Dialect

⁵ Sabhaha akalando manusia tadai-daiꞌe, kalangkeno diundo manusia potagalino bhe kafoinaꞌuno Lahataꞌala tafohansurue kanggetu taesansa bente melangke. Sabhaha fekihindo manusia takuhumae maka tafotuhue ne wiseno Kristus.

2 Korintus 10:5 Iomraidhean Croise

Matius 15:19

Kapaꞌamo nomaiꞌao we totono lalo nolimba sabhaha fekihi modai, dofopongko, domonsule, dopokawite-wite, dosibu, degau-gau bhe dofoꞌumbu.

Lukas 1:51

Kaꞌosano kabhalano kuasano sampe limano negasa mie melangkeno diu, bhe nohungga patudhundo.

Roma 1:21

Mahingga manusia dopandeꞌao Lahataꞌala, miina damosibhalae peda Lahataꞌala bhe miina dua natumumpua lalondo ne Anoa. Bhahamoa tadofekihi sumia-siaꞌano sampe totono lalondo kumabhohe-bhoheno nohohondomo.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Roma 16:26

Tamaka ampa aitu, nopoangkafi bhe pahintano Lahataꞌala dumadino suhue dhamani, patudhuno ini dofekantaleaꞌiemo bhe bhihitano padamo dofolelee ne sabhaha bansano liwu, noangka ne nebuhi weo Kitabindo ana-anabii, neanomo kosasawindo damarasaea bhe daeangka ne Lahataꞌala.

Roma 7:23

tamaka ne katokano mbadhaku awoha tubho sigaoꞌano, poewangino bhe tubhono Lahataꞌala neꞌakuino fekihiku. Panda-pandano idi ini kanggetumo notohongku kanau dhosa, kumuasainomo katokano mbadhaku.

1 Korintus 1:19

Nandoo tibuhino weo Kitabi peda aini, “Timbangindo mie kotimbangi amobinasae, kapandedo mie kokapande amosalie.”

1 Korintus 3:19

Kapaꞌamo nekonando kapande we dhunia ini, sanea bhohe ne pomatano Lahataꞌala. Ingka notibuhi weo Kitabi peda aini, “Lahataꞌala nepake kapandedo mie mande mbali tando kakonaꞌando wutondo.”

2 Korintus 11:20

Ane dofobhatuakoomu mie bhaindo, pedamo dua dososopi kanandoomiu, doꞌakalaikoomu, dofekalangke diundo ne wisemiu, dobhantofakoomu, ingka tasabahamoomu.

2 Korintus 9:13

Kawaꞌaomiu naꞌa bukutiinomo kaꞌondofaomiu, maka ⸤ umati marasaeano we Yudea⸥ damekakalabhia Lahataꞌala, hampano dowoha kakampuu-mpuumiu angkafiomu Bhihita Metaano Kristus neparasaeamiu. Damudhi dua Lahataꞌala hampano bhe kalalesano lalomiu podawu-dawuomu bhe andoa bhe sabhaha mie.

Filipi 4:7

Ane nada anaꞌa, katohopono lalo maiꞌao ne Lahataꞌala tapa nelosangindo manusia, nadhumagani totono lalo bhe fekihimiu toka seꞌiseno bhe Kristus Yesus.

2 Tesalonika 2:4

Anoa ini mewangino Lahataꞌala, namekalangke wutono te wawono sabhaha nekonando ompu bhe nesombaindo manusia. Bhahamoa sampe naengkoha weo Lambuno Lahataꞌala maka nakumona wutono Lahataꞌala ne wisendo mie bhahi.

2 Tesalonika 2:8

kaneꞌomo manusia foliuno kadai naꞌa namotiumba wutono. Tamaka nahumato Ompu Yesus, manusia ini tanabuso komate-mateno, namobinasaane tilangano kumalabhiano.

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.