2 Korintus 10:15 - Muna Southern Dialect

¹⁵ Insaodi miina tasumangke-sangke wuto mani hampano kahadhaando mie sigaoꞌano, nehabundo we sembalino kadie netida so insaodi. Ampamo kaowu taposahunaꞌao kaparasaeamiu dhulu kamatangka bhe kahadhaa mani ne olotamiu itu nasedhuluꞌa dua kalalesa, naposahataa bhe kaꞌewano kadie toka netidano Lahataꞌala so insaodi.

2 Korintus 10:15 Iomraidhean Croise

Tula-tulando rasulu 5:13

O mie sigaoꞌano miina bhe mokadonoa dahumompu bhe andoa, tamaka dofosibhalada sepaliꞌa mie bhahia.

Roma 15:20

Patudhukumo sehonda-hondano kaomponano ini, aefolele Bhihita Metaa ne liwu-liwu tapaꞌo metingkeno neano Kristus, keana dokona kanau aefongkoha lambu ne sandi toka nefongkohando bhaindo.

2 Korintus 10:13

Insaodi miina nada naꞌa, mahinggamo tasangke-sangke wuto mani tamaka miina taelimbaki tida. Sadaa-daa nandoo kainsami weo kadie kakahadhaaꞌa toka netidano Lahataꞌala, ingka nohato dua ampa we hintimiu itu.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.