2 Korintus 10:13 - Muna Southern Dialect

¹³ Insaodi miina nada naꞌa, mahinggamo tasangke-sangke wuto mani tamaka miina taelimbaki tida. Sadaa-daa nandoo kainsami weo kadie kakahadhaaꞌa toka netidano Lahataꞌala, ingka nohato dua ampa we hintimiu itu.

2 Korintus 10:13 Iomraidhean Croise

Matius 25:15

Seemieno nowaꞌane lima kakadu dhoi bulawa, seemieno nowaꞌane haa kakadu bhe seemieno nowaꞌane sekakadu, noposahataa bhe nepoo-poolindo seemie-seemie. Pada anaꞌa nokalamo.

Roma 10:18

Ampamo kaowu ameena, bhahaa daanumo miinaꞌo dametingkea bhihita anaꞌa? Ingka tetewei padamo, hampano weo Kitabi notibuhi, “Suahando nokolelengamo ne kosedhuniaꞌae, pugaundo notifetingkemo ampa we tompano dhunia.”

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

Roma 12:6

Intaodiomu detahimamoomu kapooli seemie-seemie poꞌala-alano noposahataa bhe kadawu newaꞌaono Lahataꞌala. Dadiꞌanomo ane deꞌawa kapooli dakosuaha peda seemie anabii, tabeano dadhumalangie naposahataa bhe kaparasaeando.

Roma 15:20

Patudhukumo sehonda-hondano kaomponano ini, aefolele Bhihita Metaa ne liwu-liwu tapaꞌo metingkeno neano Kristus, keana dokona kanau aefongkoha lambu ne sandi toka nefongkohando bhaindo.

1 Korintus 12:11

Tamaka bhahi-bhahiꞌae kamaiꞌaoꞌano seꞌise kaowu, senaꞌa-naꞌa kahadhaano Rohino Lahataꞌala. Ne seemie-seemie manusia nowaꞌanda kapooli noposahataa bhe kapoindalono Wutono.

Efesus 4:7

Tamaka intaodiomu seemie-seemie nowaꞌa kaita kawaꞌao nengkamoisaꞌao, noposahataa bhe kabhalano kataano lalono Kristus.

1 Petrus 4:10

Lahataꞌala nowaꞌangkoomu seemie-seemie kapooli poꞌala-alaꞌano. Dadiꞌanomo pake metaaꞌeomu so poꞌondo-ondofaoꞌomu. Ingka hintimiu mie nefoparasaeano Lahataꞌala tumahimano sabhaha katuno kadawuno.