2 Korintus 10:12 - Muna Southern Dialect

¹² Daanumo miina taokado tamopesua wuto mani tawa tapototoꞌao wuto mani bhe mie sumangke-sangkeno wutondo. Ingka dobhohe sepaliꞌa, hampano deala tubho ne wutondo maka dopobandi-bandingiꞌao wutondo sapada-pada andoa.

2 Korintus 10:12 Iomraidhean Croise

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Roma 15:18

Miina aokado apugauꞌao kahadhaa sigaoꞌano, mpahinomo nekahadhaano Kristus noangka ne idi. Kahadhaa nepulaoꞌaoku naꞌa aeato bansano liwu suano Yahudi daeangka ne Lahataꞌala. Kahadhaa aini noangka ne wambaku bhe habuku,

2 Korintus 10:11

Naetaa mie kofekihino peda naꞌa namandeꞌao lalono putae wamba mani ne suha wakutuuno dopokodoꞌotiomu, tanapototomo bhe so nehabu mani humato dapowiseomu.

2 Korintus 10:18

Kapaꞌamo mie so moolino ne kaꞌudhi, suano mie mudhino wutono, tamaka mie nepudhino Ompu.

2 Korintus 3:1

⸤ Ane tapugau peda aini⸥ bhahaa kao-kaomo tasangke-sangkemo toha wuto mani? Bhahaa nokomaꞌana taefaraluu suha kataranga so hintimiu tawa namaiꞌao ne hintimiu peda nepakendo mie sigaoꞌano itu?

2 Korintus 5:12

Aini miina nakomaꞌana tasangke-sangke toha wuto mani ne hintimiu, tamaka tawaꞌangkoomu kasalawa mowose kainsami bhakemiu, neanomo naembali potobhoosiomu bhe mie mefosibhalano ulano manusia, suano totono lalo.