2 Korintus 1:18 - Muna Southern Dialect

¹⁸ Bhe Lahataꞌala kumampuu-mpuuno ne dhandino, podhandi mani ne hintimiu miina napoibhaha uumbe bhe paise.

2 Korintus 1:18 Iomraidhean Croise

Yohanes 7:28

Tangasano Yesus nofofoinaꞌu weo Lambuno Lahataꞌala nopugau ampa kabhalano suahano, “Kotu-kotuꞌu pandeꞌa kanauꞌomu gahaꞌa? Pandeꞌaaneomu dua kamaiꞌaoꞌaku? Ampamo kaowu kahatoꞌaku suano kapoindaloku Wutoku, tamaka notudu kanau Lahataꞌala. Anoamo banarano, gahaꞌa miina mandeꞌaaneomua.

Yohanes 8:26

Nandoo nobhahi so nepugauꞌaoku, nobhahi dua kaꞌalamiu so nebhotusiku, tamaka Tumudu kanau nobanara. Ampa nefetingkeku ne Anoa, anaꞌamo nefohatoꞌaoku ne dhunia.”

1 Korintus 1:9

Lahataꞌala nokampuu-mpuu ne dhandino. Ingka Anoamo bhasikoomu seꞌiseomu bhe Anano, Yesus Kristus Ompuntoomu.

2 Korintus 1:23

Bhe Lahataꞌala sumakusii kanau, ingka nopandeꞌaane totono laloku, pata kamaiꞌaku we Korintus itu hampano akiido amekakompeaha lalomiu.

2 Korintus 11:31

Lahataꞌala, Amano Ompu Yesus, nopandeꞌaane miina akopahaa. Natipudhi neano ampa suhue dhamani.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

2 Korintus 6:8

dofosibhala kainsami tamaka dofekaꞌaebu kainsami dua, doꞌumbu kainsami tamaka dopudhi kainsami dua, mahinggamo nelaa lalo mani dofisikopahai kainsami;

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Powoha 3:14

“Buhie dua so malaꞌekatino umati we Laodikia: pedamo aini kaowili maiꞌaono ne koneaꞌano Amin, sakusii tiparasaeano bhe banarano, kamaiꞌaoꞌano sabhaha nefokonandoono Lahataꞌala.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.