2 Korintus 1:1 - Muna Southern Dialect

¹ Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe nomaiꞌao dua ne Timotius bhahitientoomu. Apakatue so umatino Lahataꞌala we Korintus bhe kosasawindo umati mongkilono we kosekaꞌewaꞌae kadieno Akaya.

2 Korintus 1:1 Iomraidhean Croise

Tula-tulando rasulu 16:1

Paulus nopansuhumo we kotano Derbe we Listra. Ne itu nandoo seemie mangkafino Yesus, neano Timotius. Inano miendo Yahudi, noparasaea dua ne Yesus, tamaka amano miendo Yunani.

Roma 15:26

Kapaꞌamo umati we Makedonia bhe Akaya dosekabhotumo daefoꞌonu dhoi so datumulumiꞌao umati mokaeno we Yerusalem.

Roma 16:21

Salam maiꞌao ne Timotius, posabhangkaꞌaku weo kahadhaa, bhe Lukius, Yason bhe Sosipater, sanea saliwuku miendo Yahudi.

Roma 16:5

Fosampe kanauꞌomu dua salam ne umati humompuno we lambudo. Fosampe kanauꞌomu dua salam ne Epenetus, bhahitie nemoasiꞌaoku; anoamo itu kabhao-bhaono marasaeano ne Kristus we kadieno Asia.

1 Korintus 10:32

Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

1 Korintus 16:10

Ane Timotius namai te hintimiu, uleiꞌeomu lalomiu keana nokateꞌi-teꞌi naeate bhe hintimiu, hampano anoa itu nokahadhaa so Ompu peda dua idi ini.

1 Korintus 16:15

Bhahitieꞌiku, tasehonda dua kamesaloku. Ingka pandeꞌaaneomu Stefanus bhe polambuno; andoamo mie kabhao-bhaono marasaeano we Akaya, dokahadhaa sampuu-mpuuno lalondo doꞌondofao umati marasaeano sigaoꞌano.

1 Korintus 16:24

Kanini kaasiku nopobhaiangkoomu kosasawimiu weo kaseꞌisentoomu bhe Kristus Yesus.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

2 Korintus 1:19

Hampano Yesus Kristus, Anano Lahataꞌala, miina sepaliꞌa napoibhahaa uumbe bhe paise, Anoa tanofokoꞌuumbemo. Anoamo ini toka nefebhihitaiꞌaondo Silas, Timotius bhe wutoku ne hintimiu.

2 Korintus 1:23

Bhe Lahataꞌala sumakusii kanau, ingka nopandeꞌaane totono laloku, pata kamaiꞌaku we Korintus itu hampano akiido amekakompeaha lalomiu.

2 Korintus 11:10

Bhe kabanarano Kristus weo totono laloku, amohatokoomu: pugauku afowose bhakeku ini pae bhe so umonto-ontomiea ne kadieno Akaya itu.

2 Korintus 9:2

Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

Galatia 1:1

Suha aini nomaiꞌao ne idi, Paulus, seemie rasulu. Kaembaliꞌaku rasulu ini miina hampano dotudu tawa dosangke kanau manusia, tamaka nosangke kanau Yesus Kristus bhe Lahataꞌala Amantoomu madano mowanue maiꞌao ne mate.

Galatia 3:26

Hintimiu membalimoomu anaꞌino Lahataꞌala, hampano kaparasaeamiu ne Kristus Yesus.

Efesus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala. Apakatue so hintimiu umati mongkilono Lahataꞌala we Efesus, motangkano kaparasaea ne Kristus Yesus.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

1 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus. Sio-siomo napobhaiangkoomu kabarakati bhe katohopono dadi.

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

2 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus.

1 Timotius 1:1

Timotius, nekoanaꞌaoku mpuu weo kaparasaea ne Ompu! Suha aini nomaiꞌao ne Paulus. Idimo ini rasuluno Kristus Yesus hampano pahintano Lahataꞌala mosalamati kaita bhe pahintano Kristus Yesus, kaengkohaꞌano posahunaꞌaontoomu ⸤ so daeꞌawaꞌao dadi suhue dhamani⸥ . Sio-siomo Lahataꞌala Amantoomu bhe Kristus Yesus Ompuntoomu sadhia napobhaiangko kabarakatino, rahamatino bhe katohopono dadi.

2 Timotius 1:1

Timotius, anaku timoasiꞌaono! Suha aini nomaiꞌao ne Paulus. Hampano kapoindalono Lahataꞌala nosangke kanau aembali rasuluno Kristus Yesus, maꞌanano notudu kanau aefolele bhihitano dadi nepodhandiꞌaono Lahataꞌala. Dadi anaꞌa dotahimaemoomu hampano doseꞌise bhe Kristus Yesus. Sio-siomo kanini kaasi, rahamati bhe katohopono lalo maiꞌao ne Lahataꞌala Amantoomu bhe Ompuntoomu Kristus Yesus sadhia napobhaiangko.

Titus 1:1

Titus anaku, suha aini nomaiꞌao ne idi Paulus, palima-limano Lahataꞌala bhe rasuluno Yesus Kristus. Idi ini dopili bhe dotudu kanau amekamatangka kaparasaeando mie nepilino Lahataꞌala, bhe tetewei dua atumulumida dalumosangi kafoinaꞌu banara posahataano bhe kafoinaꞌuno agamantoomu.

Filemon 1:1

Filemon, bhahitie timoasiꞌaono bhe sabhangka mani weo kahadhaano Ompu! Suha aini nomaiꞌao ne idi, Paulus bhe bhahitientoomu Timotius. Idi ini seemie katohongku hampano kaparasaea ne Kristus Yesus.

Ibrani 13:23

Naetaa mandeꞌaaneomu bhahitientoomu Timotius dofolimbaemo maiꞌao we katohongku. Ane napikihato se ini, awowoꞌoe amai we hintimiu itu.