1 Yohanes 5:7 - Muna Southern Dialect

^7-8 Kapaꞌamo sumakusiino nandoo tolu ise: Rohino Lahataꞌala, o oe bhe heano. Kotolu iseꞌae sehonda-honda nesakusiiꞌaondo.

1 Yohanes 5:7 Iomraidhean Croise

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Matius 18:16

Ane paise nametingkeko, mewowoꞌo bhe sabhangkamu naseemie bhahaꞌi dahodua. ⸤ Kapaꞌamo notibuhi weo Kitabi⸥ , ‘Sehonda parakara kaneꞌomo notiangga ane bhe sakusiino dohodua tawa dototolu.’

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Yohanes 1:1

Pakatandano ⸤ miinaꞌo nandumandoo dhunia,⸥ nekonando Bhoasao nonandoomo. Bhoasao amaitu nopobhai bhe Lahataꞌala. Bhoasao amaitu nopototo bhe Lahataꞌala.

Yohanes 10:30

Idi bhe Amaku taseꞌise.”

Yohanes 12:28

Ama, fekakalabhia neamu.” Maka notifetingkemo suaha maiꞌao te lani, “Padamo afekakalabhiaꞌe, maka amekakalabhiaꞌe toha.”

Yohanes 14:17

Anoamo Rohino Lahataꞌala meowano kabanara. Dhunia pae damooli datumahimaea, hampano miina daohaea, miina dua damandeꞌaanea. Tamaka hintimiu pandeꞌaaneomu, kapaꞌamo Anoa napobhaiangkoomu bhe naeate we lalomiu.

Yohanes 15:26

Mada kaowu atumuduangkoomu Fotulumino maiꞌaono ne Amaku, Rohino Lahataꞌala meowano kabanara. Anoamo itu sumakusii kanau.

Yohanes 5:26

Amano kamaiꞌaoꞌanomo dadi; pedamo dua aitu Anano nowaꞌane kuasa nembali kamaiꞌaoꞌano dadi.

Yohanes 8:18

Idi asakusii so Wutoku bhe Amaku tumudu kanau nosakusii kanau dua.”

Yohanes 8:54

Ambano Yesus, “Ane amosibhala kaowu Wutoku, miina nakoꞌulu-uluꞌa. Tamaka mosibhala kanau ingka Amaku, Anoamo itu nekonamiu Lahataꞌalamiu.

Tula-tulando rasulu 2:33

Pada nosangkee Lahataꞌala te melangkeꞌano bhe nowaꞌane kuasa, notahimamo Rohino Lahataꞌala nedhandiꞌaono maitu. Rohi aitu nofosampuemo dua ne insaodi ini, peda newoha bhe nefetingkemiu aitu.

Tula-tulando rasulu 5:32

Insaodimo ini sumakusiiꞌaono sabhaha kadhadhia naꞌa, insaodi bhe Rohino Lahataꞌala. Rohino Lahataꞌala ini nowaꞌandae Lahataꞌala ne kosasawindo mie mangkafino pahintano.”

1 Yohanes 1:1

Bhoasao Fofodadino, toka ndumandoono mpini kabhao-bhaono, aituꞌaemo nefosampe ne suha aini. Insaodi padamo tafetingkee, padamo dua tawohaane wuntano mata mani. Padamo taꞌondoe ulano bhe padamo tadampasiane lima mani.

1 Yohanes 5:6

Yesus Kristus nomai we dhunia ini, nekadiu oe bhe hea. Anoa nohato miina kaowu naekadiu oe, tamaka nekadiu oe bhe hea. Sumakusiiane Rohino Lahataꞌala, kapaꞌamo Rohino Lahataꞌala miina nakopahaa.

Powoha 19:13

Dhubano padamo dolondoane hea, neano dokonae “Bhoasaono Lahataꞌala”.