1 Yohanes 5:14 - Muna Southern Dialect

¹⁴ Intaodiomu dokado dofewise ne Lahataꞌala, hampano doparasaea ane desalo nopoangkafi bhe kapoindalono, tetewei nafofetingke.

1 Yohanes 5:14 Iomraidhean Croise

Matius 21:22

O ae maka dua nemesalomiu weo sambaheamiu, tetewei umawaeꞌomu, sumanomo kotu-kotuꞌu parasaeaꞌomu.”

Yohanes 11:42

Apandeꞌaane sadhia fetingke kanau, tamaka kapugauꞌaku ini so mie lumibu-libu kanau ini neanomo damarasaea Hintumo tumudu kanau.”

Yohanes 14:13

O ae maka dua kamesalomiu weo neaku, amangkafie, neanomo kakalabhiano Amaku natiwohamo ne Anano.

Yohanes 15:7

Ane hintimiu seꞌiseomu bhe Idi bhe kafoinaꞌuku naeate we totono lalomiu, maka tamesalomoomu ampa kapoindalomiu maka tetewei umawaeꞌomu.

Yohanes 16:24

Ampa oleo itu miinaꞌo konimesaloomu weo neaku. Dadiꞌanomo tamesalomoomu, tetewei tumahimaeꞌomu neanomo nasumangkamo kawulano lalomiu.

Yohanes 9:31

Ingka dopandeꞌaaneomu Lahataꞌala miina naefetingke mie kodhosa, mpahinomo mie lumebeno dhumalangino kapoindalono.

Efesus 3:12

Weo kaseꞌisentoomu bhe Anoa, dokadomoomu domaꞌoti wiseno Lahataꞌala hampano kaparasaeanto, lalonto miinamo napoibhahaa.

Ibrani 10:35

Dadiꞌanomo, koise hunsaomu kaposahunaꞌaomiu! Ane sadaa-daa kaposahunaꞌaomiu, ingka nandoo bhe ponambo bhalano so netahimamiu.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

Yakobus 4:3

Bheanea sambaheaꞌomu dua, tamaka miina koniꞌawaomu hampano noꞌala patudhuno sambaheamiu. Kamesalomiu so kaowu kaetaaꞌano namisimiu wutomiu.

Yakobus 5:16

Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.

1 Yohanes 2:28

Dadiꞌanomo anaꞌiku, dadi seꞌiseomu bhe Kristus neanomo humato namotiwoha toha Wutono, daokado dapoꞌawaane, paise daꞌumukoꞌao kaambano ne oleo kahatoꞌano.