1 Yohanes 4:5 - Muna Southern Dialect

⁵ Mie mpahaana-anabiino maitu fehebuaꞌano dhunia; kanandooꞌanomo pugaundo pugauno dhunia, sampe miendo dhunia dofetingkee pugaundo.

1 Yohanes 4:5 Iomraidhean Croise

Lukas 16:8

Kafeompuꞌano nopudhi sepaliꞌa mintahano kahangkaeano tapa melaano lalo naꞌa hampano kakoꞌakalano. Daanumo miendo dhunia ini dofoliu kakoꞌakalando ne mie bhaindo ane dopototoane bhe miendo kantalea.

Yohanes 17:14

Idi padamo awaꞌanda bhoasaomu, tamaka dhunia dobansida hampano andoa suano fehebuaꞌano dhunia, pedamo dua Idi ini suano fehebuaꞌano dhunia.

Yohanes 17:16

Andoa suano fehebuaꞌano dhunia, pedamo dua Idi ini suano fehebuaꞌano dhunia.

Yohanes 3:31

Anoa maiꞌaono te wawo, nofewawo bhahi-bhahiꞌae. Anoa maiꞌaono we dhunia mieno dhunia, pugauno wambano dhunia. Anoa maiꞌaono te surugaa nofewawo bhahi-bhahiꞌae.

Yohanes 8:23

Yesus nopugaumo dua ambano, “Hintimiu maiꞌaoꞌomu we panda. Idi amaiꞌao te wawo. Hintimiu maiꞌaoꞌomu we dhunia ini, Idi miina amaiꞌao ne dhunia.

2 Timotius 4:3

Kapaꞌamo nasewakutuu mie paemo daetahima kafoinaꞌu kumotuꞌuꞌano, tamaka daeꞌondofi sabhaha guru ampa kapoindalondo, damangkafi kaowu kambakano tingalando.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.