1 Yohanes 3:21 - Muna Southern Dialect

²¹ Bhahitieꞌiku timoasiꞌaono! Ane paemo namoꞌala kaita totono lalonto, maka tetewei daokado dua dadumoli ne Lahataꞌala.

1 Yohanes 3:21 Iomraidhean Croise

Roma 14:22

Fintahakimo fekihi aini weo totono lalomu, wutomu bhe Lahataꞌala kaowu mandeꞌaanea. Nokodawua mie tapa mabhino wutono nokokaꞌala hampano weo fekihino ingka noangkafi metaaꞌano.

1 Korintus 4:4

Daanumo miina amandeꞌao laloku akokaꞌalaa, tamaka aini suano bukutiino putae miina akokaꞌala. Wutono Ompu so motantuno akokaꞌala bhe miina.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

Efesus 3:12

Weo kaseꞌisentoomu bhe Anoa, dokadomoomu domaꞌoti wiseno Lahataꞌala hampano kaparasaeanto, lalonto miinamo napoibhahaa.

1 Timotius 2:8

Dadiꞌanomo gaoku mpuu, ne amai maka dua o moꞌane dasumambahea datumanampe limando mongkilono, koe doꞌamahaa, koe dopotaga-tagalia.

Ibrani 10:22

Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

Ibrani 4:16

Dadiꞌanomo ⸤ weo sambaheantoomu⸥ fekakado kaitaomu damaꞌotiomu kaengkohaꞌano Lahataꞌala kumalabhiano fowaꞌaono rahamati, neanomo daeꞌawa rahamati bhe daetahima kabarakati sampe natumulumi kaita ne wakutuuno dofaraluuꞌe.

1 Yohanes 2:28

Dadiꞌanomo anaꞌiku, dadi seꞌiseomu bhe Kristus neanomo humato namotiwoha toha Wutono, daokado dapoꞌawaane, paise daꞌumukoꞌao kaambano ne oleo kahatoꞌano.

1 Yohanes 2:7

Bhahitieꞌiku timoasiꞌaono! Nebuhiku so hintimiu ini suano pahinta buꞌou, tamaka pahinta ngkodau toka nefetingkemiu notanda parasaeaꞌomu ne Kristus. Pahinta ngkodau ini bhoasaono Lahataꞌala nefosampe ne hintimiu endefiꞌini.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

1 Yohanes 3:20

Ane totono lalonto nofoꞌala kaita ⸤ hampano habu modai⸥ , ingka dopandeꞌaane Lahataꞌala nofoliuꞌe kabhalano totono lalonto, kapaꞌamo Lahataꞌala nopandeꞌaane bhahi-bhahiꞌae.

1 Yohanes 4:17

Nahumato oleono kafobhotusiꞌa daokadoomu dapowise bhe Lahataꞌala, hampano dadintoomu we dhunia ini pedamo dadino Kristus. Ainiꞌaemo katandaino putae kanini kaasino Lahataꞌala nosangkamo weo totono lalontoomu.

1 Yohanes 5:14

Intaodiomu dokado dofewise ne Lahataꞌala, hampano doparasaea ane desalo nopoangkafi bhe kapoindalono, tetewei nafofetingke.