1 Yohanes 3:17 - Muna Southern Dialect

¹⁷ Ane seemie dumadino weo kanandoo, nowoha bhahitieno nokae tamaka notiꞌonto totono lalono, nokiido natumulumie, nada amai gahaꞌa kanini kaasino Lahataꞌala naeate weo totono lalono?

1 Yohanes 3:17 Iomraidhean Croise

Lukas 3:11

Notobhoosimo Yohanes ambano, “Kobhadhuno haa tuwu, nasetuwu waꞌane tapa kobhadhuno, koꞌotino dawue nada naꞌa dua.”

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Yakobus 2:15

Ibahano bhahitiemiu moꞌane tawa hobhine miina nakopakea bhe nokae oti nehumaano seꞌo-seꞌoleo.

Yakobus 2:16

Gahaꞌaitu seemie ne olotamiu tanopugau ambano, “Kalamo weo kabarakatino Ompu, sio-siomo mepake metaaꞌano, sio-siomo momaa ampa moweꞌi”, tamaka miina namaꞌane ae-aea so kafaraluuno mbadhano mie aitu, kaowu o ae fahalaano?

1 Yohanes 4:20

Ane bhe mugauno, “Aoasiꞌao Lahataꞌala,” tamaka nobansi bhahitieno, mie aitu nekabuangka. Ane mie miina naoasiꞌao bhahitieno newohano, nada amai bhahaa naoasiꞌao Lahataꞌala tapa newohano?

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.