1 Yohanes 3:15 - Muna Southern Dialect

¹⁵ Mie bansino bhahitieno nopototomo nofopongko, maka ingka dopandeꞌaane mie fopongkono miina bhe dadi suhue dhamani weo totono lalono.

1 Yohanes 3:15 Iomraidhean Croise

Matius 5:28

Tamaka ambaku Idi, ane seemie moꞌane nowoha hobhine maka lasao gaono napomoodofiane, ingka nomonsuleanemo weo totono lalono.

Markus 6:19

Kaoleaꞌanomo lalono Herodias ne Yohanes, sampe nokopatudhu namongkoe, tamaka miina namooliea.

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Tula-tulando rasulu 23:12

Nomentae miendo Yahudi dopokanagau bhe dofemata paise daomaa daohoꞌua ane paeꞌo damongko Paulus.

Tula-tulando rasulu 23:14

Andoa dokalaꞌi neangkaꞌindo imamu bhe kamungkulaꞌindo Yahudi bhe dopugau ambado, “Insaodi padamo tafemata paise taomaa taohoꞌua ane paeꞌo tamongko Paulus.

Yakobus 1:15

Ane kapoindalo modai naꞌa doangkafie, losanomo o dhosa, maka o dhosa nobhala kaowu neowa mate.

1 Petrus 1:23

Kapaꞌamo dadi buꞌou neꞌawamiu miina namaiꞌao ne wineno mbadha mobinasano, tamaka nomaiꞌao ne wutono Kowineno pata mobinasano, hampano kaparasaeamiu ne bhoasaono Lahataꞌala dumadino suhue dhamani.

1 Yohanes 2:11

Tamaka mie bansino bhahitieno, neate weo kahohondo bhe nekala-kala weo kahohondo. Anoa miina namandeꞌaanea bhahaꞌi nohope ne amai, hampano miinamo napomboha-mbohaa.

1 Yohanes 2:9

Laꞌae pugauno neate ne mentaleaꞌano tamaka nobansi bhahitieno, mie aitu sadaa-daaꞌe neate weo kahohondo.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”