1 Yohanes 3:12 - Muna Southern Dialect

¹² Koise dembaliomu peda Kain, o anano Kafeompuꞌando seetani sampe nopongko aino wutono. Noafa katipongkoꞌano? Dhohono habuno sanea habu modai, tamaka habuno aino sanea habu metaa.

1 Yohanes 3:12 Iomraidhean Croise

Matius 13:19

Kotika mie metingkeno bhoasao Kafopahintaꞌano Lahataꞌala tamaka miina nalumosangiea, nomaiꞌie Kafeompuꞌando seetani norampasi bhoasao kaneꞌo neꞌewi weo totono lalondo maitu. Aitumo maꞌanano wine mondawuꞌano ne kaangkaꞌa.

Matius 13:38

Kaampono, maꞌanano dhunia ini. Wine metaa, maꞌanano umatino Kafopahintaꞌano Lahataꞌala; dana nokomaꞌanaꞌao mie tumaino ne Kafeompuꞌando seetani.

Matius 23:35

Pedamo anaꞌa tumongkuomu dhosano limbano heando mie nepongko tapa kokaꞌala, notanda ne Habel ampa ne Zakaria anano Berekya. Habel ini mie banara; Zakaria pongkoeꞌomu ne kadeteno Lambuno Lahataꞌala, ne olotano boloku mongkilo bhe medha kaefoampeꞌa.

Matius 27:23

Ambano dua, “Tamaka podiu modai ae gahaꞌa nehabuno?” Tamaka andoa tanodhulu kaꞌosa dokei ambado, “Tetewei dakumantaiꞌe te sau salipu!”

Matius 5:37

Dadiꞌanomo ane patudhumu uumbe, tafokoꞌuumbemo; ane patudhumu paise, tafokopaisemo. Labhino anaꞌa, nomaiꞌao ne Kafeompuꞌando seetani.

Lukas 11:51

Maꞌanano notanda ne katipongkoꞌano Habel ampa ne katipongkoꞌano Zakaria, nepongkondo ne kadeteno Lambuno Lahataꞌala ne olotano medha kaefoampeꞌa bhe Boloku mongkilo. Amohatokoomu dua, kosasawiꞌae kaꞌala naꞌa damotongkuandae mie dhamani aini.

Yohanes 10:32

Tamaka ambano Yesus, “Nobhahi habu metaa nefotakano Amaku padamo afotiwohaangkoeꞌomu. Habu medando ae bhahaa so katibhatuhiꞌaku?”

Yohanes 8:40

Ingka pada afohatoangkoomu kabanara nefetingkeku ne Lahataꞌala, gahaꞌa hintimiu kopatudhu mongko kanauꞌomu. Abraham miina naehabu medando ini.

Yohanes 8:41

Hintimiu habuomu kahadhaano amamiu wutomiu.” Dotobhoosimo ambado, “Insaodi ini suano bulea. Ama mani seemie-mieno, Wutono Lahataꞌala.”

Tula-tulando rasulu 7:52

Anabii laꞌae bhahaa tapa nefodee-deendo awuaꞌimiu? Bhahaa tadua dopongkomo mie katudu mefoleleno bhihita so kahatoꞌano Mie Metaano Lalo. Anoa naꞌa padamo pokanagauaneomu bhe pongkoeꞌomu.

1 Tesalonika 2:14

Aitu bhahitie mani, namisiemoomu dua nenamisindo tombu-tombudo umatino Lahataꞌala seꞌiseno bhe Kristus we Yudea. Maꞌanano menamisiomu kakadee-dee maiꞌao ne saliwumiu, pedamo dua umatino Lahataꞌala we Yudea denamisi kakadee-dee nomaiꞌao ne miendo Yahudi saliwundo.

Ibrani 11:4

Hampano kaparasaeano, Habel nefoampe kapopanga metaa, noliuꞌe kapopangano Kain. Hampano kaparasaeano maitu Habel nosambili metaaꞌe Lahataꞌala peda seemie banara, mbaꞌinomo kapopangano maitu noꞌiaꞌane Lahataꞌala. Habel nomatemo, tamaka hampano kaparasaeano maitu, ampa aitu kao-kaomo nandoo sadhia nopugau.

Ibrani 12:24

Hintimiu mai fewiseomu ne Yesus, Poatoꞌaono podhandiꞌa buꞌou; heano podhandiꞌa buꞌou ini ⸤ neowa katiꞌamponiꞌano dhosa⸥ , noliuꞌe fahalaano bhe tuhuno heano Habel ⸤ mesonsono kabhoosi⸥ .

1 Petrus 4:4

Ampa aitu mie tapa mandeꞌaono Lahataꞌala tadomente mbaꞌinomo miinamo posabhangkaandaomu weo podiu tampahasa pontalabhi-labhino maitu, katiꞌumbuꞌamiumo.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

Yudas 1:11

Dobalaamo andoa maitu! Andoa doangkafimo kaangkaꞌano Kain ⸤ mongkono aino⸥ . Sumanomo daeꞌawa dhoi, nokolilinomo totono lalondo tadoꞌoho wutondo ne modaiꞌano, tapedamo Bileam. Andoa dabinasa mbaꞌinomo dopoewangi bhe mintahano kuasa tapedamo Korah.

Powoha 17:6

Awohamo dua hobhine amaitu nololanuꞌao heando umati mongkilo bhe mie mateꞌaono kaparasaeando ne Yesus nesakusiiꞌaondo. Awoha hobhine amaitu taꞌapokamente-mentemo.