1 Yohanes 3:1 - Muna Southern Dialect

¹ Fekihi kaitaomu kabhalano kanini kaasino Amantoomu ne intaodiomu sampe nofokonamo anaꞌino. Intaodiomu ingka daanumo anaꞌino Lahataꞌala, kanandooꞌanomo miendo dhunia ini miina dafopandeꞌao mbaꞌinomo miina damandeꞌao Lahataꞌala.

1 Yohanes 3:1 Iomraidhean Croise

Lukas 20:36

Andoa naꞌa paemo bhe kapoolia damatea, dapototomo bhe malaꞌekati. Kapaꞌamo andoa maitu anaꞌinomo Lahataꞌala, mie toka nefowanuno maiꞌao ne mate.

Yohanes 1:12

Tamaka nandoo dua tumahimae bhe marasaeano weo neano. Kosasawindo maitu nowaꞌanda kapooli daembali anaꞌino Lahataꞌala.

Yohanes 11:52

Gahaꞌaitumo suano kaowu so raꞌeatino Yahudi, tamaka nomateꞌao dua kosasawindo anano Lahataꞌala tikambisano, neanomo sumuli namoꞌonuda bhe namoseꞌiseda.

Yohanes 15:21

Kosasawiꞌae naꞌa dahumabue ne hintimiu hampano hintimiu anaguhuꞌiku, kapaꞌamo miina damandeꞌaanea Tumudu kanau.

Yohanes 16:3

Kahabuꞌandomo peda naꞌa hampano miina damandeꞌao Amaku, miina dua damandeꞌao Idi.

Yohanes 17:25

Hintu Amaku umadhilino, daanumo dhunia miina damandeꞌaangko, tamaka o Idi apandeꞌaangko bhe andoa ini dopandeꞌaane Hintumo tumudu kanau.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

Roma 8:19

Alamu bhalano nefokonandoono Lahataꞌala ini nokamba mpuu lalondo dofenta-fentaa tempono Lahataꞌala namotiumba medando ae anaꞌino.

Roma 8:21

Nasewakutuu alamu bhalano damobebasie maiꞌao ne kuasa fobhatuano meowano kabinasa bhe mate, maka naenamisi dua kabebasi kumalabhiano peda anaꞌino Lahataꞌala.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

2 Korintus 6:18

“Idi aembali amamiu, hintimiu somo anaꞌiku moꞌane bhe hobhine; pedamo naꞌa bhoasaono Ompu, Fofoliuno Kuasa.”

Galatia 3:26

Hintimiu membalimoomu anaꞌino Lahataꞌala, hampano kaparasaeamiu ne Kristus Yesus.

Galatia 3:29

Ane hintimiu membalimoomu fehebuaꞌano Kristus, maka membalimoomu dua sampuꞌano Abraham, dadiꞌanomo kohakumoomu dua tumahimaomu dhandino Lahataꞌala.

Kolose 3:3

Kapaꞌamo momatemoomu maka dadi buꞌoumiu notifebunimo poowa bhe Kristus weo kaseꞌiseno bhe Lahataꞌala.

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

1 Yohanes 4:17

Nahumato oleono kafobhotusiꞌa daokadoomu dapowise bhe Lahataꞌala, hampano dadintoomu we dhunia ini pedamo dadino Kristus. Ainiꞌaemo katandaino putae kanini kaasino Lahataꞌala nosangkamo weo totono lalontoomu.

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.