1 Yohanes 2:7 - Muna Southern Dialect

⁷ Bhahitieꞌiku timoasiꞌaono! Nebuhiku so hintimiu ini suano pahinta buꞌou, tamaka pahinta ngkodau toka nefetingkemiu notanda parasaeaꞌomu ne Kristus. Pahinta ngkodau ini bhoasaono Lahataꞌala nefosampe ne hintimiu endefiꞌini.

1 Yohanes 2:7 Iomraidhean Croise

Matius 5:43

Fetingkeemoomu dua bhoasaono Lahataꞌala, ‘Moasianda mie bhaimu, bansida kaewamu’.

Yohanes 13:34

Awaꞌangkoomu pahinta buꞌou: pomoa-moasiꞌaoꞌomu. Tapedamo Idi aoasiangkoomu, nadamo dua anaꞌa hintimiu pomoa-moasiꞌaoꞌomu.

Tula-tulando rasulu 17:19

Pada anaꞌa doowaemo ne hompuꞌa te kabhawono Areopagus. Ambado, “Naembali bhahaa mohato kainsami kafoguhu buꞌou nehatoꞌaomu itu?

Ibrani 6:9

Bhahitieꞌiku timoasiꞌaono! Mahinggamo tapugau peda naꞌa, insaodi taparasaea mpuu padamo metahimaomu sabhaha metaaꞌano noliuꞌe ⸤ wite saꞌituini⸥ . Nepulaoꞌaoku kabarakati pokaiꞌano bhe kasalamatiꞌamiu.

1 Yohanes 2:24

Dadiꞌanomo hintimiu, dhaganieꞌomu mpuu bhihita toka nefetingkemiu mpini pakaparasaeamiu weo totono lalomiu. Ane nefetingkemiu naꞌa sadaa-daaꞌe weo totono lalomiu, maka hintimiu sadaa-daaꞌe seꞌiseomu bhe Anano Lahataꞌala bhe Amantoomu.

1 Yohanes 3:11

Ingka fetingkeemoomu bhihita nefosampe mpini pakaparasaeamiu putae tabeano dapomoa-moasiꞌao.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

1 Yohanes 3:21

Bhahitieꞌiku timoasiꞌaono! Ane paemo namoꞌala kaita totono lalonto, maka tetewei daokado dua dadumoli ne Lahataꞌala.

1 Yohanes 3:23

Pahintano peda aini: damarasaeaꞌomu ne Yesus Kristus Anano Lahataꞌala, bhe dapomoa-moasiꞌao pedamo dua pahintano Kristus ne intaodiomu.

1 Yohanes 4:1

Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.

1 Yohanes 4:11

Bhahitieꞌiku timoasiꞌaono! Ane wutono Lahataꞌala noasiꞌa kaitamo peda maitu, ingka tabeano intaodiomu tetewei dua dapomoa-moasiꞌao.

1 Yohanes 4:21

Pahinta netahimantoomu maiꞌao ne Kristus peda aini: sasuka moasiꞌaono Lahataꞌala tabeano naoasiꞌao dua bhahitieno.

1 Yohanes 4:7

Bhahitieꞌiku timoasiꞌaono! Pomoa-moasi kaitaomu kapaꞌamo kanini kaasi maitu nomaiꞌao ne Lahataꞌala. Kotika mie fomoasiꞌaono anaꞌinomo Lahataꞌala bhe nopandeꞌao Lahataꞌala.