1 Yohanes 2:24 - Muna Southern Dialect

²⁴ Dadiꞌanomo hintimiu, dhaganieꞌomu mpuu bhihita toka nefetingkemiu mpini pakaparasaeamiu weo totono lalomiu. Ane nefetingkemiu naꞌa sadaa-daaꞌe weo totono lalomiu, maka hintimiu sadaa-daaꞌe seꞌiseomu bhe Anano Lahataꞌala bhe Amantoomu.

1 Yohanes 2:24 Iomraidhean Croise

Lukas 1:2

Nebuhindo naꞌa nopokantibha bhe bhihita netahimantoomu ne mie mohaꞌaono wuntano matano kadhadhia anaꞌa mpini kabhao-bhaono bhe molelenomo dua bhihita anaꞌa.

Lukas 9:44

ambano, “Taꞌoomu tingalamiu, tandaiꞌeomu pugauku ini. Anano Manusia daowae ne kuasano manusia.”

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

Yohanes 15:7

Ane hintimiu seꞌiseomu bhe Idi bhe kafoinaꞌuku naeate we totono lalomiu, maka tamesalomoomu ampa kapoindalomiu maka tetewei umawaeꞌomu.

Yohanes 6:56

Sasuka momaano dhagiku bhe mohoꞌuno heaku noseꞌisemo bhe Idi, o Idi aseꞌisemo dua bhe anoa.

Yohanes 8:25

Ambado dua, “Laꞌae gahaꞌa hintu itu?” Notobhoosimo Yesus, “O ae fahalaano apugau bhe hintimiu?

Filipi 4:15

Hintimiu miendo Filipi, ingka pandeꞌaaneomu mpuu, pakaefoleleku Bhihita Metaa, wakutuuno ahunsa kadieno Makedonia endefiꞌini, ampamo hintimiu umati marasaeano tumulumi kanaua. Ampamo hintimiu mealano dawu weo kakaeku naꞌa.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Ibrani 2:1

Dadiꞌanomo intaodiomu tabeano sedhuluꞌa damintahakie kafoinaꞌu toka nefetingkentoomu, bhahasaa nowowoꞌo kaita solo.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.

1 Yohanes 2:7

Bhahitieꞌiku timoasiꞌaono! Nebuhiku so hintimiu ini suano pahinta buꞌou, tamaka pahinta ngkodau toka nefetingkemiu notanda parasaeaꞌomu ne Kristus. Pahinta ngkodau ini bhoasaono Lahataꞌala nefosampe ne hintimiu endefiꞌini.

1 Yohanes 3:24

Mie mangkafino pahintano Lahataꞌala dodadi doseꞌise bhe Lahataꞌala, Lahataꞌala noseꞌise bhe andoa. Katipandeꞌaoꞌano Lahataꞌala noseꞌise bhe intaodiomu, hampano padamo nofowaꞌao Rohino.

1 Yohanes 4:13

Lahataꞌala padamo nowaꞌa kaita Rohino, katipandeꞌaoꞌanomo putae intaodiomu doseꞌise bhe Lahataꞌala bhe Lahataꞌala noseꞌise bhe intaodiomu.

1 Yohanes 4:15

Mie umakuino putae Yesus Anano Lahataꞌala, ingka Lahataꞌala noseꞌise bhe anoa bhe anoa noseꞌisemo bhe Lahataꞌala.

1 Yohanes 4:16

Ingka dopandeꞌaane bhe doparasaeaꞌemoomu kanini kaasino Lahataꞌala ne intaodiomu. Lahataꞌala maitu o kanini kaasi. Mie dumadino weo kanini kaasi noseꞌise bhe Lahataꞌala bhe Lahataꞌala neate weo totono lalono.

2 Yohanes 1:2

Katimoasiꞌamiu hampano kabanarano Lahataꞌala neate weo totono lalontoomu bhe nafopobhaiꞌao ampa suhue dhamani.

2 Yohanes 1:9

Sasuka tapa mintahakino kafoinaꞌuno Kristus tamaka nekapingkaane, miinamo naseꞌise bhe Lahataꞌala. Sasuka mintahakino kafoinaꞌu anaꞌa noseꞌise bhe Lahataꞌala Ama bhe Anano.

3 Yohanes 1:3

Nowula mpuu laloku afetingke ne bhahitieꞌi marasaeano humato kanau, detula-tulaꞌao kakampuu-mpuuno lalomu dadi angkafi kabanara. Ingka daanumo weo dadimu sadhia angkafi kabanara.

Powoha 3:11

Idi apikimaimo. Fintahakiomu toka netahimamiu, keana pae bhe mie so malano kawaꞌaondo fotalono so netahimamiu.

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.