1 Yohanes 2:22 - Muna Southern Dialect

²² Laꞌae bhahaa kopahano naꞌa? Ingka o mie gumagaino putae Yesus suano Omputo Fosalamatino nedhandiꞌaono Lahataꞌala. Mie amaitu o kaewano Kristus, nokiido naꞌumakui Amantoomu bhe Anano.

1 Yohanes 2:22 Iomraidhean Croise

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 24:5

Kapaꞌamo dabhahi mie so maino damake neaku bhe dapugau ambado, ‘Idimo ini Mesias’, maka dabhahi mie so tibhohe-bhoheꞌino.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

1 Yohanes 1:6

Ane ambantoomu dodadi doseꞌise bhe Anoa, gahaꞌa dodadi weo kahohondo, ingka dokopahaomu bhe habuntoomu miina namangkafi kabanara.

1 Yohanes 2:18

Anaꞌiku, pandano dhamani nomaꞌomo! Ingka padamo fetingkeeꞌomu putae mada kaowu natiumba seemie nekonando Kaewano Kristus. Gahaꞌa ampa aitu dobhahimo membalino kaewano Kristus. Dadiꞌanomo dopandeꞌaanemo nomaꞌomo pandano dhamani.

1 Yohanes 2:23

Mie tapa mangakuno noparasaea ne Anano Lahataꞌala, miina dua naseꞌise bhe Amano. Mie mangakuno noparasaea ne Anano Lahataꞌala, tetewei dua noseꞌisemo bhe Amanoa.

1 Yohanes 2:4

Ane seemie nopugau nopandeꞌao Lahataꞌala gahaꞌaitu miina naeangka ne pahintano, mie aitu nekabuangka, maka kabanara miina naeatea weo totono lalono.

1 Yohanes 4:20

Ane bhe mugauno, “Aoasiꞌao Lahataꞌala,” tamaka nobansi bhahitieno, mie aitu nekabuangka. Ane mie miina naoasiꞌao bhahitieno newohano, nada amai bhahaa naoasiꞌao Lahataꞌala tapa newohano?

1 Yohanes 4:3

Sasuka mie tapa mangakuno noparasaea ne Yesus peda naꞌa, rohino mie aitu miina namaiꞌao ne Lahataꞌala tamaka nomaiꞌao ne rohi kaewano Kristus. Ingka fetingkeemoomu rohi pedando naꞌa daanumo tetewei namai, gahaꞌa ampa aitu nohatomo te dhunia ini.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

2 Yohanes 1:7

Kaebuhiꞌaku peda aini hampano dobhahimo mpahaguru-guruno dolili te dhunia ini dofobhohe-bhoheꞌi. Andoa maitu miina daꞌumakuiꞌe putae Yesus Kristus nomai we dhunia ini peda seemie manusia. Mie pedando naꞌa o fobhohe-bhoheꞌino bhe kaewano Kristus.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

Powoha 3:9

Tandaiꞌe! Ne itu nandoo mie kumonano wutondo miendo Yahudi, gahaꞌaitu suano, andoa dokopaha, sakotuꞌuno andoa maitu umatino Kafeompuꞌando seetani. Andoa naꞌa amowada damai se hintimiu, dalumongko te wisemiu maka damandeꞌaane putae hintimiu aoasiangkoomu.