1 Yohanes 2:20 - Muna Southern Dialect

²⁰ Tamaka hintimiu miina nada anaꞌa, ingka metahimamoomu Rohino Lahataꞌala maiꞌaono ne Kristus, dadiꞌanomo kosasawimiu losangiemoomu kabanara.

1 Yohanes 2:20 Iomraidhean Croise

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

Markus 1:24

“O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Lukas 4:34

“Haa hintu Yesus miendo Nasaret! O ae patudhumu ne insaodi ini, mai mobinasa kainsami gahaꞌa? Apandeꞌaangko hintu itu mie mongkilo maiꞌao ne Lahataꞌala.”

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

Yohanes 16:13

Tamaka nahumato kaowu Rohino Lahataꞌala meowano kabanara, Anoamo so matokoomu mandeꞌaoꞌomu sabhaha kabanara. Anoa paise napugau namaiꞌao ne Wutono, tamaka o ae maka dua nefetingkeno namohatoangkoeꞌomu. Namebhihitaiꞌangkoomu dua so kumadhadhiaꞌano mada kaowu.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 3:14

Anoa mie mongkilo bhe melaano lalo, tamaka hintimiu mongaheꞌieꞌomu maka mesaloomu ne Pilatus namolapaangkoomu mie kapongko-pongkono.

1 Korintus 2:15

Manusia tumahimano Rohino Lahataꞌala sadhia netiisangi bhahi-bhahiꞌae, tamaka wutono manusia naꞌa miina bhe kohakuno damoꞌalae.

Ibrani 1:9

Moasiane kabanara, bansie podiu modai. Kanandooꞌanomo o Idi, Lahataꞌalamu, aminakikomo mbali tandano apiliko, awaꞌangko kawulano lalo maka liudamo sabhangkaꞌimu.”

Ibrani 8:11

Paemo namaraluua seemie-seemie namoinaꞌu mie bhaino, paemo dua namaraluua seemie-semie namohato bhahitieno putae, ‘Tabeano mandeꞌaane Ompu!’ Kapaꞌamo kosasawindo, naobhala naohobu sanea damandeꞌa kanau.

1 Yohanes 2:27

Tamaka hintimiu, Kristus ingka padamo nofosampuangkoomu Rohino weo totono lalomiu. Dadiꞌanomo miina namaraluua damoinaꞌukoomu mie sigaoꞌano. Rohino Kristus nofoinaꞌuangkoomu bhahi-bhahiꞌae bhe kafoinaꞌuno nokotuꞌu, suano wamba kabuangkaa. Dadiꞌanomo dadiomu weo kaseꞌise bhe Kristus, peda toka nefoinaꞌuꞌaono Rohino naꞌa.

1 Yohanes 4:13

Lahataꞌala padamo nowaꞌa kaita Rohino, katipandeꞌaoꞌanomo putae intaodiomu doseꞌise bhe Lahataꞌala bhe Lahataꞌala noseꞌise bhe intaodiomu.

Yudas 1:5

Aitu nandoo so nefeꞌulaiꞌaoku ne hintimiu. Ampamo kaowu sakotuꞌuno kosasawiꞌae naꞌa pandeꞌaanemoomu. Ingka tandaiꞌeomu peda amai Ompu Lahataꞌala nofosalamati umatino Israel maiꞌao we witeno Mesir, tamaka pada anaꞌa tapa marasaeano nofobinasada.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.

Powoha 4:8

Mahaluku fato uluno maitu sanea kopanino nomo pani seꞌulu, panindo samata-mata weta we lalo bhe we simbali. Ole-oleono koho-kohondoꞌano miina bhe kafeontoa delagu, “Nongkilo, nongkilo, nongkilo mpuu Ompu Lahataꞌala Fofoliuno Kuasa, toka ndumandoono, ndumandoono bhe so humatono.”