1 Yohanes 2:18 - Muna Southern Dialect

¹⁸ Anaꞌiku, pandano dhamani nomaꞌomo! Ingka padamo fetingkeeꞌomu putae mada kaowu natiumba seemie nekonando Kaewano Kristus. Gahaꞌa ampa aitu dobhahimo membalino kaewano Kristus. Dadiꞌanomo dopandeꞌaanemo nomaꞌomo pandano dhamani.

1 Yohanes 2:18 Iomraidhean Croise

Matius 24:11

Dabhahi mpahaana-anabiino sampe dabhahi mie so mokolilinono totono lalo.

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 24:5

Kapaꞌamo dabhahi mie so maino damake neaku bhe dapugau ambado, ‘Idimo ini Mesias’, maka dabhahi mie so tibhohe-bhoheꞌino.

Markus 13:6

Kapaꞌamo mada kaowu dabhahi so maino damake neaku bhe damugau ambado, ‘Idimo ini Mesias’, maka dabhahi sepaliꞌa so tibhohe-bhoheꞌino.

Yohanes 21:5

Nopugaumo Yesus ne andoa ambano, “O sabhangka, mepooliomu kentaa?” Dotobhoosimo ambado, “Miina.”

Roma 13:11

Aini tetewei dhumalangieꞌomu, hampano ingka pandeꞌaanemoomu koeateno dhamani aini. Ingka nohatomo tempono manuomu ne kaodomiu, kapaꞌamo ampa aitu oleo so katifosalamatiꞌantoomu sedhuluꞌamo dua kakomaꞌo bhe pakaparasaeantoomu.

Roma 13:12

Nobhalamo nekundono alo, nomaꞌomo kamentae. Dadiꞌanomo hunsa kaitaeꞌomu podiuno kahohondo, fokana kaitaomu katokano habu metaa so nehabu ne mentaleaꞌano.

Ibrani 1:2

Ne pandano dhamani ini Lahataꞌala nokobhoasao ne intaodiomu noangkamo ne Anano. Anoamo toka nefotantuno mbali kohakuꞌaono bhahi-bhahiꞌae ndumandooꞌano. Noangkamo dua ne Anano ini, Lahataꞌala nofokonandoo alamu bhalano.

1 Petrus 1:20

Kristus tokamo nopilie Lahataꞌala mpini miinaꞌo bhe dhunia, tamaka kaneꞌo notiumba ne pandano dhamani aini, so kasalamatiꞌamiu.

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

2 Petrus 2:1

Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

2 Petrus 3:3

Foliuno kafaraluu so nepandeꞌaomiu: namaꞌo pandano dhamani dahumato mie foele-eleno damele-elekoomu. Andoa dodadi doangkafi kaowu kapoindalono mbadhando.

1 Yohanes 2:22

Laꞌae bhahaa kopahano naꞌa? Ingka o mie gumagaino putae Yesus suano Omputo Fosalamatino nedhandiꞌaono Lahataꞌala. Mie amaitu o kaewano Kristus, nokiido naꞌumakui Amantoomu bhe Anano.

1 Yohanes 4:1

Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.

1 Yohanes 4:3

Sasuka mie tapa mangakuno noparasaea ne Yesus peda naꞌa, rohino mie aitu miina namaiꞌao ne Lahataꞌala tamaka nomaiꞌao ne rohi kaewano Kristus. Ingka fetingkeemoomu rohi pedando naꞌa daanumo tetewei namai, gahaꞌa ampa aitu nohatomo te dhunia ini.

2 Yohanes 1:7

Kaebuhiꞌaku peda aini hampano dobhahimo mpahaguru-guruno dolili te dhunia ini dofobhohe-bhoheꞌi. Andoa maitu miina daꞌumakuiꞌe putae Yesus Kristus nomai we dhunia ini peda seemie manusia. Mie pedando naꞌa o fobhohe-bhoheꞌino bhe kaewano Kristus.

Yudas 1:18

Ingka tokamo dofohatokoomu wawo ambado, “Namaꞌo pandano dhamani datiumba sabhaha mie so meele-elekoomu, andoa ini tadadumadimo damangkafi kapoindalondo daehabu dhosa.”