1 Yohanes 2:15 - Muna Southern Dialect

¹⁵ Koise moasiꞌaoꞌomu dhunia ini bhe sabhaha kanandoono, kapaꞌamo laꞌae moasiꞌaono dhunia, miina bhe kanini kaasino ne Amantoomu weo totono lalono.

1 Yohanes 2:15 Iomraidhean Croise

Matius 4:8

Pada aitu Kafeompuꞌando seetani noowamo toha Yesus ne seꞌonu kabhawo melangkeꞌano maka nofotiwohaane kosasawiꞌae kakolakiꞌano dhunia bhe sabhaha kahangkaeano,

Matius 6:24

Miina bhe bhatua dohodua kafeompuꞌano. Ane nada naꞌa tetewei seemiea nabansie, seemie namasiane, tawa nokampuu-mpuu lalono ne seemieno maka seemieno miina nakumonaꞌi miea. Hintimiu pae naembalia meompuomu ne Lahataꞌala bhe ne kahangkaeano dhunia.”

Lukas 16:13

Miina bhe bhatua dahodua kafeompuꞌano. Ane nada naꞌa tetewei seemie nabansie, seemie namasiane, tawa nakumampuu-mpuu lalono ne seemieno bhe seemieno miina nakumonaꞌie miea. Hintimiu pae naembali meompuomu ne Lahataꞌala bhe ne kahangkaeano dhunia.”

Yohanes 15:19

Ane hintimiu maiꞌaoꞌomu ne dhunia, tetewei dhunia damasiangkoomu peda fehebuaꞌando. Tamaka padamo apilikoomu, dadiꞌanomo hintimiu suanomo fehebuaꞌano dhunia, katibansiꞌamiumo ne dhunia.

Roma 12:2

Koemo mesandahaomu ne sabhaha podiu bhe kaneano dhunia ini, tamaka hunsaꞌanomo Lahataꞌala namahabuꞌouni fekihimiu sampe natibhalii dadimiu. Ane nadamo anaꞌa mandeꞌaaneomu medano ae kapoindalono Lahataꞌala: sabhaha podiu metaaꞌano, mekaꞌiano lalono bhe sumangkaꞌano.

Galatia 1:10

Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

1 Timotius 6:10

Kapaꞌamo ane dofeompu ne dhoi ingka katandaꞌanomo sabhaha modaiꞌano. Nandoo mie meꞌambano dhoi sampe dopingkamo maiꞌao ne kaparasaeando maka totono lalondo dosikisaaꞌane sabhaha kasabha.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.

Yakobus 4:4

Hintimiu mie kumangkalaꞌino podhandimiu bhe Lahataꞌala. Miina mandeꞌaaneomua bhahaa putae ane posabhangkaomu bhe dhunia modai, ingka membalimoomu kaewano Lahataꞌala? Dadiꞌanomo ane dopoindalo doposabhangka bhe dhunia modai, dohabumo wutondo mbali kaewano Lahataꞌala.

1 Yohanes 3:17

Ane seemie dumadino weo kanandoo, nowoha bhahitieno nokae tamaka notiꞌonto totono lalono, nokiido natumulumie, nada amai gahaꞌa kanini kaasino Lahataꞌala naeate weo totono lalono?

1 Yohanes 4:5

Mie mpahaana-anabiino maitu fehebuaꞌano dhunia; kanandooꞌanomo pugaundo pugauno dhunia, sampe miendo dhunia dofetingkee pugaundo.

1 Yohanes 5:10

Dadiꞌanomo sasuka marasaeano ne Anano Lahataꞌala, miinamo nopoibhahaane putae kasakusii amaitu nokotuꞌu. Tamaka mie tapa marasaeano ne Lahataꞌala kabeanga nokonamo Lahataꞌala nokopaha, mbaꞌinomo miina namarasaea kasakusiino Lahataꞌala so Anano.