1 Yohanes 1:6 - Muna Southern Dialect

⁶ Ane ambantoomu dodadi doseꞌise bhe Anoa, gahaꞌa dodadi weo kahohondo, ingka dokopahaomu bhe habuntoomu miina namangkafi kabanara.

1 Yohanes 1:6 Iomraidhean Croise

Matius 7:22

Nahumato Oleono Kiama dabhahi so mugauno ne Idi, ‘Ompu! Ompu! Ingka insaodi ini takosuaha peda seemie anabii tapake neamu, taefolimba seetani tapake neamu, pakade nobhahi taehabu kadhadhia timenteꞌaono tapake dua neamu.’

Yohanes 11:10

Tamaka sasuka mekala-kalano kohondoꞌa natituno, hampano miina nakokantaleaꞌa ne wutonoa.”

Yohanes 12:35

Ambano Yesus, “Tana seendai tempono tilanga nandumandoo ne olotamiu. Tinangke nandoo bhe tilanga maitu mekala-kalamoomu, keana nohatofikoomu kahohondo. Sasuka mekala-kalano weo kahohondo miina namandeꞌaanea so kahopeꞌano.

Yohanes 12:46

Kahatoꞌaku ne dhunia ini aembali tilanga, neanomo sasuka marasaeano ne Idi paise naeate weo kahohondo.

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

Yohanes 8:55

Gahaꞌaitumo miina mandeꞌaaneomua, tamaka Idi apandeꞌaane. Ane apugau miina amandeꞌaane ingka akopaha, pedamo dua hintimiu. Tamaka Idi apandeꞌaane bhe aangkafi bhoasaono.

1 Timotius 4:2

Kafoinaꞌu anaꞌa dofolelee mie mehaaꞌulano. Andoa miinamo damande dapofelesaoꞌao metaaꞌano bhe modaiꞌano, kao-kaomo totono lalondo kumatanga-tangano dofodapaanemo uti ngkamala-mala.

Yakobus 2:14

Bhahitieꞌiku, o ae fahalaano seemie napugau, “Idi ini mie marasaeano,” gahaꞌaitumo miina nadhumalangie weo habuno? Nasumalamatiane bhahaa kaparasaea medando naꞌa?

Yakobus 2:16

Gahaꞌaitu seemie ne olotamiu tanopugau ambano, “Kalamo weo kabarakatino Ompu, sio-siomo mepake metaaꞌano, sio-siomo momaa ampa moweꞌi”, tamaka miina namaꞌane ae-aea so kafaraluuno mbadhano mie aitu, kaowu o ae fahalaano?

Yakobus 2:18

Tamaka bheanea nandoo dua mugauno, “Seemie nopasande ne kaparasaeano, seemie nopasande ne habuno.” Mie aitu atumobhoosie, “Soba fotiwoha kanau kaparasaeando mie tapa seowaꞌano bhe habundo. ⸤ Ingka miina nandumandooa.⸥ Tamaka o idi amotiwohaangko habu metaaku tandano kaparasaeaku.”

1 Yohanes 1:10

Ane ambantoomu miina daehabuomu dhosa, ingka kabeanga dokonaomu Lahataꞌala nokopaha bhe bhoasaono miina naeatea weo totono lalontoomu.

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.

1 Yohanes 1:8

Ane ambantoomu miina dakodhosaomu, ingka dobhohe-bhoheꞌimo wutontoomu bhe kabanara miina naeatea weo totono lalontoomu.

1 Yohanes 2:4

Ane seemie nopugau nopandeꞌao Lahataꞌala gahaꞌaitu miina naeangka ne pahintano, mie aitu nekabuangka, maka kabanara miina naeatea weo totono lalono.

1 Yohanes 4:20

Ane bhe mugauno, “Aoasiꞌao Lahataꞌala,” tamaka nobansi bhahitieno, mie aitu nekabuangka. Ane mie miina naoasiꞌao bhahitieno newohano, nada amai bhahaa naoasiꞌao Lahataꞌala tapa newohano?