1 Timotius 6:5 - Muna Southern Dialect

⁵ bhe posala-salamaꞌana tapa mopoopulino. Fekihindo mie medano anaꞌa nodaimo mpuu, miinamo damangkafi kumotuꞌuꞌano. Kunaꞌendomo agama maitu naeowaanda kahangkaea.

1 Timotius 6:5 Iomraidhean Croise

Matius 12:33

“Ane dopoindalo daeꞌawa bhakeno sau metaaꞌano, tabeano netaa dua puꞌuno. Ane miina naetaa puꞌuno, bhakeno miina dua naetaa. Kapaꞌamo sau dopandeꞌaane ne bhakeno.

Matius 21:13

Yesus nofohatoda ambano, “Nandoo tibuhino weo Kitabi peda aini, ‘Lambuku dakumonae lambu kasambaheaꞌa, tamaka hintimiu habueꞌomu mbali lia kaꞌonuꞌando mie modai.’ ”

Matius 23:13

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo songkoemoomu fointono Kafopahintaꞌano Lahataꞌala ne wisendo mie bhaimu. Hintimiu mokiidoomu mesuaꞌomu pakade meꞌontomiomu mie so mesuano.

1 Korintus 11:16

Ane bhe so tumagano, naetaa amohatokoomu putae insaodi tawa umatino Lahataꞌala sigaoꞌano, suano kanea mani ⸤ o hobhineꞌi⸥ dosambahea ⸤ miina daekantutu⸥ peda anaꞌa.

2 Tesalonika 3:6

Bhahitieꞌi, weo neano Ompu Yesus Kristus taesalo kodoꞌotidaomu kosasawindo bhahitie mantawano bhe pata mangkafino kafoinaꞌu netahimamiu ne insaodi.

1 Timotius 1:6

Nandoo mie mekapingkano ne patudhu aini, sampe nokolilino fekihindo ne sabhaha potaga-tagaliꞌa tapa kofahalaano.

1 Timotius 3:3

Suano dua mie mempohoꞌuno, suano mansoꞌamahano, tamaka momaluno lalo, meowano pometaa, suano meompuno ne dhoi.

1 Timotius 3:8

Pedamo dua anaꞌa mie so umondofaono umati tabeano mie metaano diu, koise nokohaꞌa lelando, koise dempohoꞌu, koise dokadau-dau bhe dhoi.

1 Timotius 4:7

Fogampie tingalamu ne sabhaha tula-tula sia-sia bhe kapu-kapunando kamungkula ngkehu. Ulei lalomu kaneaꞌe wutomu so dadi lumebeno.

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

1 Timotius 6:6

Daanumo agama neowa kahangkaea bhalano ane notumpumo lalondo ne kanandoo netahimando.

2 Timotius 3:5

Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

2 Timotius 3:8

Guru-guru andoa maitu doewangi kafoinaꞌu banara, tapedamo Yanes bhe Yambres doewangi Musa endefiꞌini. Fekihindo nodaimo, kaparasaeando miinamo nakofahalaaꞌa.

Titus 1:11

Mie medando naꞌa tabeano dadumampue nunsundo kapaꞌamo dobhahimo polambu nedai-daindo mbaꞌinomo dofohatoanda sabhaha kafoinaꞌu tapa mantasiꞌano. Habundo naꞌa so kaowu daeꞌawaꞌao laba haramu.

2 Petrus 2:15

Andoa dokolilinomo mbaꞌinomo miina damangkafi kaangkaꞌa melaaꞌano, tamaka doangkafimo kaangkaꞌano Bileam anano Beor endefiꞌini. Bileam naꞌa noasiane sepaliꞌa neala ponambo ne habu modai.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

Yudas 1:11

Dobalaamo andoa maitu! Andoa doangkafimo kaangkaꞌano Kain ⸤ mongkono aino⸥ . Sumanomo daeꞌawa dhoi, nokolilinomo totono lalondo tadoꞌoho wutondo ne modaiꞌano, tapedamo Bileam. Andoa dabinasa mbaꞌinomo dopoewangi bhe mintahano kuasa tapedamo Korah.

Powoha 18:13

kulino sau mowondu, sabhaha bansano kagule, mina-mina kawondu, mina-mina nekonando mur, dupa, angguru, mina, wone, gandum, sapi, dhumba, adhaha bhe kareta, bhatua sampe inawando manusia.

Powoha 18:3

Kanandooꞌano peda maitu hampano sabhaha bansano liwu padamo dofohoꞌu angguruno nafusuu modai pokawite-wite, sabhaha omputo ne dhunia padamo dopokawite-wite bhe anoa, sabhaha daga ne dhunia ini dohangkaeamo dhohono nafusuuno modaiꞌano pontalabhi-labhino.”