1 Timotius 6:4 - Muna Southern Dialect

⁴ mie medando aitu nelangke diuno, gahaꞌaitumo miina nakonipandeꞌaoa. Ingka o sakinomo dua gaono mpuu sapotagali bhe mie bhaino, noꞌondofie mpuu pokelutiꞌano wamba, sampe nonandoo kakonduano lalo, powengke-wengkeꞌa, poꞌumbu-umbu, dukuno lalo tapa metaa,

1 Timotius 6:4 Iomraidhean Croise

Tula-tulando rasulu 15:2

Tamaka Paulus bhe Barnabas doewangi bhe dotagali sepaliꞌa fekihindo maitu. Panda-pandano dobhotusiemo peda aini: Paulus bhe Barnabas bhe seemie hodua mie marasaeano ne itu dakumala dapoꞌawaꞌao rasulu sigaoꞌano bhe kamungkulaꞌi we Yerusalem so dapugau-gauꞌao kasabha netompaloindo naꞌa.

Tula-tulando rasulu 18:15

Tamaka nepoꞌala-alatiꞌaomiu ini, ingka poꞌalati kaowu wamba, o nea bhe tubhono agama sapada-pada hintimiu. Dadiꞌanomo fosintuwuꞌao wutomiu, o idi aongahe aebhotusi giu medano aitu.”

Tula-tulando rasulu 8:9

Weo kota aitu nandoo dua seemie koneaꞌano Simon, nomponamo nehabu pasingara sampe domenteane sepaliꞌa raꞌeatino Samaria. Mie aini noabhi wutono tapedamo mie kokuasa.

Roma 12:16

Pometa-metaaꞌomu, koise nelangke diumiu tamaka posabhangkaomu bhe mie mepandano kaengkohaꞌa, koise abhi wutomiu mie mande!

Roma 13:13

Dadi kaitaomu mantasiꞌano peda mie meateno we mentaleaꞌano. Koe sakahame dohumaa dofohoꞌu bhe dololanu, koe dopokawite-wite bhe konafusuu modai, koe dopowengke-wengke bhe dopokondu-konduaꞌao lalo.

Roma 14:1

Tahimadaomu metaa-metaa bhahitieꞌi pata motangkano kaparasaea, koise foꞌalada ane poꞌalaomu fekihi.

Roma 2:8

Tamaka mie mosibhalano kaowu wutono, tapa meangkano ne kabanara bhe tanoangka-angkamo modaiꞌano, andoa daeꞌawa amahano bhe kahukumuno Lahataꞌala.

1 Korintus 11:16

Ane bhe so tumagano, naetaa amohatokoomu putae insaodi tawa umatino Lahataꞌala sigaoꞌano, suano kanea mani ⸤ o hobhineꞌi⸥ dosambahea ⸤ miina daekantutu⸥ peda anaꞌa.

1 Korintus 11:18

Kabhao-bhaono, ingka afetingke ane poꞌawa-awaomu weo hompuꞌando umati nandoo bhe powengke-wengkeꞌa ne olotamiu, maka fenaiku bhihita aini nandoo kumotuꞌuꞌano.

1 Korintus 3:18

Koise bhe bhohe-bhoheꞌino wutono. Ane ne olotamiu itu bhe kofekihino nopande ne pomatano dhunia, naetaa nasumuli naobhohe so nopandeꞌao sakotuꞌuno.

1 Korintus 3:3

kapaꞌamo nandoo nokuasaikoomu kapoindalono dhunia. Ane ne olotamiu nandoo pokondu-konduaꞌao lalo bhe potaga-tagaliꞌa, ingka nokomaꞌana nandoo nokuasaikoomu kapoindalono dhunia, ingka tanopototomo bhe mie bhaimiu ne dhunia ini.

2 Korintus 11:20

Ane dofobhatuakoomu mie bhaindo, pedamo dua dososopi kanandoomiu, doꞌakalaikoomu, dofekalangke diundo ne wisemiu, dobhantofakoomu, ingka tasabahamoomu.

Galatia 5:15

Tamaka ane sadhia posia-siakaomu, posiꞌondoomu bhahasaa mobinasaomu kosasawimiu.

Galatia 5:26

Koise nelangke diuntoomu, koise dopofekaleaꞌi lalo, koise dua dopokondu-konduaꞌao lalo.

Galatia 6:3

Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

Filipi 1:15

Daanumo nandoo mie mefoleleno bhihitano Kristus dhohono kakonduano lalo ne idi bhe sadhia dopoindalo dopotagali, tamaka sigaoꞌano defolele bhihitano Kristus maiꞌao ne totono lalo mohelasi.

Filipi 2:14

O ae maka dua habumiu ⸤ metaaꞌano⸥ , tahabumoomu, koise kamuntu-muntuomua, koise potaga-tagaliomua.

Filipi 2:3

Koise konihabuomu mbaꞌinomo fekihi kaowu faraluuno wutomiu, tawa fekalangke diumiu. Tamaka fekapanda wutomiu, abhidaomu mie bhaimiu detaa dua andoa bhe wutomiua.

Kolose 2:18

Koe sampe damekahugikoomu mie wohaꞌano kaowu dofekapanda wutondo bhe desombai malaꞌekati. Mie andoa ini dofekalangke diundo, mahinggamo miina bhe tingkuno, dofekihi kanandoono dhunia bhe dosangke-sangke wutondo hampano dokopowoha.

2 Tesalonika 2:4

Anoa ini mewangino Lahataꞌala, namekalangke wutono te wawono sabhaha nekonando ompu bhe nesombaindo manusia. Bhahamoa sampe naengkoha weo Lambuno Lahataꞌala maka nakumona wutono Lahataꞌala ne wisendo mie bhahi.

1 Timotius 1:4

Fohatoda koemo dofotuhu-tuhu lalondo ne sabhaha kapu-kapuna bhe tula-tulano sampuꞌa tapa kotompano. Bhahi-bhahiꞌae naꞌa neowa kaowu potaga-tagaliꞌa, miina nafotulumi namodhulu patudhuno Lahataꞌala. Patudhuno Lahataꞌala naꞌa notipandeꞌao mpahinomo weo kaparasaea ne Anoa.

1 Timotius 1:7

Gaondo andoa ini daembali guruno agama Yahudi, gahaꞌaitumo miina dalumosangiea wambado wutondo, miina dua damandeꞌaanea kafoinaꞌu nefosuhundo ne mie bhaindo.

1 Timotius 3:6

Mie neangkando umati koise dua kaneꞌo mesuano sarani, bhahasaa nelangke diuno maka nokantibhae kahukumu peda Kafeompuꞌando seetani endefiꞌini.

2 Timotius 2:14

Mefeꞌulaianda bhe owiliandae mpuu kosasawiꞌae ini. Ne wiseno Lahataꞌala tangahida koise dopotaga-tagaliꞌao maꞌanano sewobha wamba, kapaꞌamo miina sepaliꞌa nakofahalaaꞌa, bhahamoa tanodai-dai kaowu kaparasaeando mie metingkee.

2 Timotius 2:23

Koise meangkafi potaga-tagaliꞌando mie kabhohe-bhohe tapa konipandeꞌaono. Ingka pandeꞌaanemo medando naꞌa neowa kaowu pogiha-gihaꞌa.

2 Timotius 3:4

Dapodai-dai dasisabha-sabhangka, paemo naewantaa fekihindoa, tula-tulando taꞌo kafewahai, madaꞌaomo daoasiꞌao nafusuuno dhunia bhe daoasiꞌao Lahataꞌala.

Titus 3:9

Fekakodoꞌoeꞌomu sabhaha potagaliꞌa ngkabhohe-bhohe bhe tula-tulano sampuꞌa. Fekakodoꞌo dua wutomu ne powengke-wengkeꞌa bhe pogiha-gihaꞌaono tubhono agama Yahudi. Kapaꞌamo kosasawiꞌae naꞌa sanea tapa kofahalaaꞌano bhe nosia-sia.

Yakobus 1:19

Bhahitieꞌiku timoasiꞌaono, tandaiꞌeomu: seemie-seemie tabeano naehimba nafofetingke, tamaka koise nopikipugaua, koise dua nopikiꞌamahaa.

2 Petrus 2:12

Tamaka mpahaguru-guruno maitu pasaꞌidamo kadadi tapa kofekihino, tadodadimo so mbadhando, dolente so kaowu dahumakoda bhe dasumumbeleda. Andoa dofekaꞌaebu tapa nelosangindo, sampe habu modaindo maitu somo kabinasaꞌando pasadamo kadadi fohumaano.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

Yudas 1:10

Tamaka mie andoa saꞌituini defolimba sabhaha wamba kafekaꞌaebu ne tapa nepandeꞌaondo. Andoa itu tapedamo kadadi tapa kofekihi, nepandeꞌaondo dodadi kaowu so mbadhando. Gahaꞌaitumo anaꞌamo so kabinasaꞌando.

Yudas 1:16

Andoamo ini mie kamuntu-muntuno, sadhia dofoꞌala mie bhaindo, doangkafi kapoindalondo modaiꞌano, dosangke-sangke wutondo bhe dokundeli mie bhaindo so deꞌawaꞌao laba.

Powoha 3:17

Ambamiu, ‘Idi ini ahangkaea, padamo afekahangkaea wutoku, miinamo akonikaea.’ Gahaꞌaitu miina mandeꞌaanea hintimiu itu mie ngkaasi-asi, mie timobhelaꞌaono lalo, mie mokae, mobuntono bhe melembino.