1 Timotius 6:16 - Muna Southern Dialect

¹⁶ Anoamo Kaseemie-mieꞌano tapa nekuasaino mate, neate weo tilanga tapa tiꞌowatiꞌano. Bhe naseemie manusia miina bhe mohaea, daanumo pae bhe kapooli damohaea. Ne Anoamo kafosibhala bhe kuasa suhue dhamani! Amin.

1 Timotius 6:16 Iomraidhean Croise

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Yohanes 14:9

Ambano Yesus, “Filipus, ingka nomponamo dua apobhaiangkoomu, gahaꞌa miina mandeꞌa kanau? Sasuka mohano Idi nowohamo dua Amaku. Peda amai dua pugau, ‘Fotiwoha kainsami Amamu’?

Yohanes 6:46

Aini miina nakomaꞌana nandoo mie mohano Amaku. Madano mohano ulano Amaku, mpahinomo Anoa maiꞌaono ne Lahataꞌala.

Yohanes 8:58

Ambano Yesus, “Amohatokoomu, kotu-kotuꞌu miinaꞌo bhe Abraham, IDI NDUMANDOONO anandoomo.”

Efesus 3:21

Nopantasimo mpuu namangka ne Kristus Yesus, Lahataꞌala damekakalabhiaꞌe pomantulu-ntulu weo umatino ampa suhue dhamani. Amin.

Filipi 4:20

Notifekalabhia mpuu Lahataꞌala Amantoomu ampa suhue dhamani. Amin.

Kolose 1:15

Lahataꞌala miina natiwohaa, tamaka Kristus ulanomo Lahataꞌala tiwohaꞌano. Anoamo kabhao-bhaono, koeateno nofoliuda bhahi-bhahiꞌae nefokonandoono Lahataꞌala.

1 Timotius 1:17

Nopantasi mpuu damosibhala bhe damudhi Lahataꞌala, kapaꞌamo Anoamo tapa metompaloino mate, Anoamo Omputo suhue dhamani, Anoamo tapa tiwohano, Anoamo Kaseemie-mieꞌano. Damosibhalae ampa suhue dhamani. Amin.

Ibrani 13:8

Yesus Kristus sadaa-daaꞌe nopototo, endewi, oleo itu bhe ampa suhue dhamani.

Yakobus 1:17

Sabhaha kawaꞌao metaa bhe kadawu sumangka nomaiꞌao te surugaa, nofosampue Amantoomu mokonandoono sabhaha kantalea te lani. Anoamo Lahataꞌala tapa tibhaliino, tapa dua meowano ondula mohohondono mebhali-bhaliino.

1 Yohanes 1:5

Ainimo bhihita nefetingke mani ne Yesus Kristus bhe nefosampe mani ne hintimiu: Lahataꞌala maitu o tilanga, ne Lahataꞌala miina sepaliꞌa bhe kahohondoa.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.

1 Yohanes 4:12

Miinaꞌo bhe mohano Lahataꞌala, tamaka ane dapomoa-moasiꞌao, Lahataꞌala naseꞌise bhe intaodiomu maka kanini kaasino nasumangka weo totono lalontoomu.

Yudas 1:25

Anoamo Kaseemie-mieꞌano, Mosalamati kaitaomu noangka ne Yesus Kristus Ompuntoomu. Somo Anoa sabhaha kakalabhia, kafosibhala, kaꞌosa bhe kuasa notanda wawono, aitu bhe ampa suhue dhamani. Amin.

Powoha 1:6

Anoamo humabu kaita mbali bansano liwundo omputo bhe imamu meompuno ne Lahataꞌala Amano. Somo Anoa kakalabhia bhe kuasa suhue dhamani. Amin.

Powoha 1:8

“Idi ini Alfa bhe Omega ⸤ maꞌanano kabhao-bhaono bhe kafetompaino⸥ ”, pedamo anaꞌa bhoasaono Ompu Lahataꞌala, ndumandoono, toka ndumandoono bhe so humatono, Fofoliuno Kuasa.

Powoha 21:3

Pada aitu afetingkemo suaha mohaaꞌi nomaiꞌao ne kaengkohaꞌano omputo ambano “Ondo kaitaomu! Aitu tenda kaeateꞌano Lahataꞌala nohatomo ne wunta-wuntando manusia, Anoa naeate napobhaianda. Manusia daembali umatino Lahataꞌala, wutono Lahataꞌala napobhaianda somo Lahataꞌalando.

Powoha 22:5

Ne itu paemo bhe kohondoꞌa, paemo dua daefaraluu kantalea bhe tilangano oleo, kapaꞌamo Ompu Lahataꞌala somo mekantaleada. Andoa damahinta nada omputo ampa suhue dhamani.

Powoha 4:11

“Ompu bhe Lahataꞌala mani, Hintu nopantasi tumahima sabhaha kapudhi, kafosibhala bhe kuasa, kapaꞌamo Hintumo mokonandoono sabhaha ndumandooꞌano; kosasawiꞌae maitu donandoo bhe dofokonandooda hampano kapoindalomu.”

Powoha 7:12

Dopugau ambado, “Amin! Sabhaha kapudhi, kakalabhia, kapande, katumpuno lalo, kafosibhala, kuasa bhe kaꞌosa so Lahataꞌalantoomu ampa suhue dhamani. Amin!”