1 Timotius 5:8 - Muna Southern Dialect

⁸ Ampamo kaowu ane nandoo tapa umondofaono bhahitieꞌino, mangkenomo mie weo lambuno, ingka mie aitu nokukundoemo kaparasaeano, nodaimo dua anoa bhe mie tapa marasaeanoa.

1 Timotius 5:8 Iomraidhean Croise

Matius 18:17

Ane nandoo dua nokiido natumahimae, fohatoandae umati. Ane umati pae dua nametingkeda, abhieꞌomu mie aitu mie tapa mandeꞌaono Lahataꞌala tawa mie kodhosano peda mesalo-salono sewa.

Matius 7:11

Sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao metaaꞌano ne mie mesalono.”

Yohanes 15:22

Ane pae ahumato bhe apugau bhe andoa, teteweimo pae dakodhosaa. Tamaka aitu miinamo dakotingkua dabheleꞌao dhosando.

1 Korintus 6:6

Noafa bhahaa seemie bhahitie marasaeano nobhieꞌao dua bhahitieno, gahaꞌaitu so fobhitahakino mie pata marasaeano ⸤ ne Kristus⸥ ?

2 Korintus 12:14

Sakotuꞌuꞌano ampa aitu tolu pakumo amantaa-ntaa amai we hintimiu itu, tamaka akiido amewowoꞌonikoomu. Kapaꞌamo suano fehebuaꞌamiu neꞌondofiku tamaka wutomiu. Ingka suano anaꞌi meꞌondofino kadadiꞌa so kamungkulano, tamaka o kamungkula meꞌondofino kadadiꞌa so anaꞌino.

2 Korintus 6:15

Naembali bhahaa daseꞌise Kristus bhe Kafeompuꞌando seetani? O ae bhahaa pototoꞌano mie marasaeano bhe tapa marasaeano ne Kristus?

Galatia 6:10

Tinangke bhe kasalawamiu, habu metaa ne kosasawindo mie, mangke-mangkemo ne bhahitie marasaeano ne Kristus.

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

2 Timotius 3:5

Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

2 Petrus 2:1

Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Powoha 3:8

Apandeꞌaane sabhaha kahadhaamiu. Ondo itu, ingka aelengkaangkomo fointo bhe naseemie pae bhe so mondoiꞌe dasumongkoe. Apandeꞌaangkoomu seendai kaowu kaꞌosamiu, tamaka angkafieꞌomu bhoasaoku bhe miina gumagaiꞌeomu neaku.