1 Timotius 5:5 - Muna Southern Dialect

⁵ Bhihinanda dumadino weo kakae samoi-moisano, mpahinomo Lahataꞌala neposahunaꞌaonoa. Mentae mohondo nokampuu-mpuu nosambahea bhe nekatondala.

1 Timotius 5:5 Iomraidhean Croise

Lukas 18:1

Yesus nopugaumo toha nepakeanda kapalenda. Patudhuno nofoinaꞌu anaguhuꞌino putae sadhia dasumambahea pae daongoongaraa.

Lukas 18:7

Bhahaa Lahataꞌala pae napotunduꞌao umati tipilino metondalano ne Anoa mentae mohondo? Bhahaa Lahataꞌala naefodhulu-dhulu tempo maka natumulumida?

Lukas 2:37

Ampa aini nobhihinandamo, umuhuno alu fulu fato taꞌumo. Anoa ini miina nagumaati Lambuno Lahataꞌala, mentae mohondo nosombai Lahataꞌala, sadhia nopoasa bhe nosambahea.

Tula-tulando rasulu 26:7

O dhandi anaꞌa nentaa-ntaandomo dua miendo Israel ompulu haa sampuꞌano, kakampuu-mpuuꞌandomo dosombai Lahataꞌala mentae mohondo. Kolaki Agripa nefosibhalaku, kasungkuꞌando miendo Yahudi ini ingka mbaꞌinomo aposahunaꞌao ne dhandi anaꞌa.

Tula-tulando rasulu 6:1

Wakutuu anaꞌa mie mangkafino Yesus sadhulu-dhulu kabhahi. Miendo Yahudi mepakeno wamba Yunani, dopahamuntuꞌao miendo Yahudi mepakeno wamba Ibrani, mbaꞌinomo bhihinandado miina natiꞌondofao metaaꞌa. Andoa ini miina daeꞌawa kafaraluu nedawu-dawundo seꞌo-seꞌoleo.

Tula-tulando rasulu 9:39

Petrus lasao nokanu maka noangkafida. Sahatono, Petrus dofofonie te wawo. Kosasawindo bhihinanda dolibu-libue bhe doꞌae, poowa dofotiwohaane bhadhu bhe pakea kasapuꞌano Dorkas nandoo noꞌuhi itu.

Tula-tulando rasulu 9:41

Petrus nointahamo limano maka nofoehee. Pada anaꞌa noloꞌoimo umati mongkilo bhe bhihinandaꞌi maka nofosusuanda hobhine sumuli moꞌuhino maitu.

Roma 1:12

Patudhuku, naembali dapofekatangkaomu: kaparasaeamiu namekatangka kanau, kaparasaeaku namekatangka hintimiu.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

1 Korintus 7:32

Gaoku mpuu pae bhe kamihino lalo weo dadimiu. Moꞌane tapa gumaano nofisiꞌonu fekihino so Ompu, gaono namekaꞌia lalono Ompu.

1 Korintus 7:34

sampe fekihino nopodawu-dawumo. Seemie hobhine tapa komoꞌaneno tawa seemie kalambe nofisiꞌonu fekihino so Ompu, neanomo mbadhano bhe alusuno naongkilo namekopuuniane Ompu. Tamaka hobhine gumaano nofisiꞌonu fekihino ne sabhaha kanandoono dhunia, gaono namekaꞌia moꞌaneno.

Efesus 6:18

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

1 Timotius 2:1

Kabhao-bhaono aesalo mpuu: foampe kamesalomu, sambaheamu, katondalamu so mie bhaimu bhe katumpuno lalo ne Lahataꞌala so kosasawindo manusia.

1 Timotius 5:16

Ane seemie hobhine marasaeano ne Kristus, bhe bhahitieno nobhihinandamo, naetaa naꞌumondofaane keana nembali wowoꞌondo umati bhahino. Dadiꞌanomo umati daꞌumondofao kaowu bhihinanda dumadino weo kakae samoi-moisano.

1 Timotius 5:3

Fosibhalada bhihinanda dumadino weo kakae samoi-moisano.

2 Timotius 1:3

Notumpu laloku ne Lahataꞌala nefeompuniꞌiku maiꞌao weo totono lalo mongkilo kumatanga-tangano, pedamo dua nehabundo awuaꞌiku endefiꞌini. Mentae mohondo taenomo asambahea, sadhia dua afeꞌulaiko.

1 Petrus 3:5

Ingka pedamo naꞌa hobhineꞌi lumebeno endefiꞌini posahunaꞌaono ne Lahataꞌala. Kaokesaꞌando hampano dotuhu mpuu ne moꞌanendo mbalimo legando.