1 Timotius 5:25 - Muna Southern Dialect

²⁵ Pedamo dua habu metaa lasao notiwoha, tamaka ane miina napikitiwoha, tetewei pae natifebuni kansuhua.

1 Timotius 5:25 Iomraidhean Croise

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Lukas 11:33

“Bhe naseemie miina bhe mesulano kantalea maka nahumunsae we wawa tawa nosongkowiane bhengki, tamaka tetewei dohunsae ne kangkailaoꞌano, neanomo sasuka mie mesuano weo lambu damoha tilangano.

Tula-tulando rasulu 10:22

Ambado, “Notudu kainsami Kornelius. Kornelius ini seemie neangkando tantara, lalono nelaa bhe noteꞌi ne Lahataꞌala. Kosasawindo miendo Yahudi dopandeꞌaanemo dua kataano lalono. Anoa neꞌawa kafohato maiꞌaono ne Lahataꞌala nefosampeno seemie malaꞌekati mongkilono. Weo powohano naꞌa Lahataꞌala nofohato Kornelius daꞌumuleiko kumala we lambuno nametingkeꞌao pugaumu.”

Tula-tulando rasulu 22:12

Ne kota aitu nandoo seemie koneaꞌano Ananias. Anoa ini mie lumebeno, nofintahaki tubhono agama bhe dofosibhalae sepaliꞌa kosasawindo miendo Yahudi ne kota aitu.

Tula-tulando rasulu 9:36

We kotano Yope nandoo seemie hobhine mangkafino Yesus, neano Tabita; weo wamba Yunani neano Dorkas. Hobhine anaꞌa nobhahi sepaliꞌa nehabu metaaꞌano, sadhia netulumi mie mokae.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

1 Timotius 3:7

Anoa tabeano netaa dua neano we simbalindo umati weo poliwu, keana dofoꞌalae mie bhaino sampe nakumona ne tando kataꞌono Kafeompuꞌando seetani.

Powoha 14:13

Afetingkemo dua suaha nomaiꞌao te surugaa ambano, “Buhie! Dokodawua mpuu mie mateno seꞌiseno bhe Ompu notanda ampa aitu.” Ambano Rohino Lahataꞌala, “Uumbe daanumo. Andoa damewuleꞌao kahadhaa moꞌosando, hampano sabhaha podiu metaa naposabhangkaanda.”