1 Timotius 5:21 - Muna Southern Dialect

²¹ Aitu aefeꞌulaiangko, ingka bhe wutono Lahataꞌala bhe Kristus Yesus bhe malaꞌekatino tipilino mandeꞌaane: angkafie sabhaha kafoinaꞌu aini, koe poꞌala-alaanda miea, koe dua nobhie seweta weo timbangimua.

1 Timotius 5:21 Iomraidhean Croise

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Lukas 20:21

Mie andoa maitu dofeenaemo ambado, “Guru, tapandeꞌaane sabhaha pugau bhe kafoinaꞌumu nokotuꞌu, miina poꞌala-alaanda manusia, tamaka weo kalaano lalomu fofoinaꞌuꞌao sala metaano Lahataꞌala so manusia.

Lukas 9:26

Kapaꞌamo ane doambano doangkafi kanau bhe kafoinaꞌuku, Anano Manusia naoambanoane dua mie aitu humato namai weo kakalabhiano wutono bhe kakalabhiano Amano, dalumibu-libue malaꞌekati mongkilono.

2 Korintus 5:16

Dadiꞌanomo ampa aitu insaodi miinamo taetiliki kamanusiando mie bhai mani. Daanumo endefiꞌini tatilikie dua kamanusiano Kristus, tamaka haꞌoleo ini miinamo.

1 Tesalonika 5:27

Weo neano Ompu aesalo mpuu wambano suha aini dabasaandae kosasawindo bhahitie marasaeano.

1 Timotius 6:13

Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko:

2 Timotius 2:14

Mefeꞌulaianda bhe owiliandae mpuu kosasawiꞌae ini. Ne wiseno Lahataꞌala tangahida koise dopotaga-tagaliꞌao maꞌanano sewobha wamba, kapaꞌamo miina sepaliꞌa nakofahalaaꞌa, bhahamoa tanodai-dai kaowu kaparasaeando mie metingkee.

2 Timotius 4:1

Nandoo so nefeꞌulaiꞌaoku ne hintu, ingka bhe Lahataꞌala mandeꞌaane, bhe Kristus Yesus so bhitahakino dumadino bhe mateno. Anoa nasumuli namai maka namahinta nada seemie Omputo. Dadiꞌanomo aefeꞌulaiangko,

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.

2 Petrus 2:4

Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

Yudas 1:6

Feꞌulaiꞌeomu dua malaꞌekati lumimbakino kanteeno kuasando, sampe dohunsa kaeateꞌando. Malaꞌekati andoa ini nogogantuda Lahataꞌala weo kahohondo, nepakeanda hante suhue dhamani bhe notaamida ampa nahumato oleo bhalano so kafobhitahakiꞌa.

Powoha 14:10

anoa maitu naohoꞌu angguru, maꞌanano naenamisi kahukumuno Lahataꞌala. Angguru aitu dofontaa-ntaaꞌe weo kampohoꞌuꞌano amahano Lahataꞌala, miina nakosalo-saloa ⸤ daa-daaꞌe kaꞌosano⸥ . Mie medando anaꞌa dasumikisaaꞌane efi bhe waleha ne wisendo malaꞌekati mongkilono bhe ne wiseno Anano Dhumba.