1 Timotius 5:19 - Muna Southern Dialect

¹⁹ Koise metahima kasangkati ne seemie neangkando umati, ane pae bhe sakusiino dahodua totolu so mekamatangkae.

1 Timotius 5:19 Iomraidhean Croise

Matius 18:16

Ane paise nametingkeko, mewowoꞌo bhe sabhangkamu naseemie bhahaꞌi dahodua. ⸤ Kapaꞌamo notibuhi weo Kitabi⸥ , ‘Sehonda parakara kaneꞌomo notiangga ane bhe sakusiino dohodua tawa dototolu.’

Yohanes 18:29

Dadiꞌanomo Pilatus nolimba nopoꞌawaanda maka nopugau ambano, “O ae gahaꞌa nesangkatiꞌaomiu ne mie aini?”

Yohanes 8:17

Weo Kitabino Musa nefintahakimiu notibuhi, ‘⸤ Ane debhitahaki mie⸥ , nandoo kasakusiino mie hodua pototoꞌano, nosahamo.’

Tula-tulando rasulu 11:30

Kamafakando naꞌa dodhalangie maka dotudu Barnabas bhe Saulus damowa dhoi naꞌa we kamungkulaꞌindo umati marasaeano we Yudea.

Tula-tulando rasulu 25:16

Taꞌatobhoosida, ingka suano kaneandoa miendo Roma tadaebhotusimo seemie nebhieꞌao kabeanga kawaꞌao ne mie sumungkuane. O mie nebhieꞌao tabeano dopowiseanda bhe mie mobhieꞌaane, pakade dowaꞌane kasalawa natumunduꞌao wutono.

2 Korintus 13:1

Aini katolu pakunomo amantaa-ntaa amai we hintimiu. ⸤ Weo Kitabi notibuhi,⸥ “Sehonda parakara kaneꞌomo notiangga ane bhe sakusiino dohodua tawa dototolu.”

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

1 Timotius 5:17

Neangkando umati kumahadhaa metaano, nopantasi naetahima kafosibhala bhe ponambo metaa, mangke-mangkemo andoa umuleino lalondo defosampe bhoasaono Ompu bhe dofofoinaꞌu.

Titus 1:6

Seemie neangkando umati tetewei mie tapa kodengo-dengono, hobhineno seemie kaowu. Anaꞌino tabeano doparasaeamo ne Kristus, miina dakumonada mie dumadino mangkafino namisindo tawa mie tapa meangkano.

Ibrani 10:28

Mie mokiidono meangkano ne tubhono agama Yahudi, ane dosakusiiane kaowu dohodua dototolu putae nokokaꞌala, lasao dopongkoe miina bhe ampoa.