1 Timotius 5:18 - Muna Southern Dialect

¹⁸ Ingka weo Kitabi notibuhi peda ini, “Ane o sapi tangasano nefinda-findaꞌi gandum so napogaatiꞌao onuno bhe kunsalono, nunsuno koemo kakompoea.” Nandoo dua tibuhino peda ini, “Mie kumahadhaa nopantasi naꞌumawa ponambono.”

1 Timotius 5:18 Iomraidhean Croise

Matius 10:10

Koise dua mewowoꞌoomu bhaku so we laano sala, koise mewowoꞌoomu bhadhu nahaa tuwu, koise mepakeomu kaampini tawa katuko, kapaꞌamo mie kumahadhaa nopantasi naꞌumawa ponambono.

Lukas 10:7

Meateomu ne lambu aitu, humaaꞌomu bhe fohoꞌuomu ampa kawaꞌaondo, kapaꞌamo mie kumahadhaano nopantasi naꞌumawa ponambono. Koise mebhali-bhaliiꞌomu lambu kabutuꞌa.

Roma 10:11

Weo Kitabi notibuhi, “Kosasawindo marasaeano ne Anoa pae nandidiki lalondoa.”

Roma 11:2

Lahataꞌala miina nakumukundo umatino toka nepilino mpini kabhao-bhaono. Miina mandeꞌaaneomua gahaꞌa tibuhino weo Kitabi wakutuuno anabii Elia nobhieꞌao miendo Israel ne Lahataꞌala?

Roma 4:3

Kapaꞌamo notibuhi weo Kitabi, “Abraham noparasaea ne Lahataꞌala, maka hampano kaparasaeano naꞌa Lahataꞌala notahimae peda mie banara.”

Roma 9:17

Weo Kitabi notibuhi bhoasaono Lahataꞌala ne omputo Firaun, “Patudhunomo asangkeko membali omputo neanomo namangka ne hintu amotiwoha kuasaku, bhe neaku natiende-ende ne kosekaꞌewaꞌae dhunia ini.”

1 Korintus 9:14

Pedamo dua aitu Ompu padamo nofotantue, o mie mefoleleno Bhihita Metaa dadumadi namaiꞌao ne foleleꞌano Bhihita Metaa.

Galatia 3:8

Weo Kitabi mpini endefiꞌini notipandeꞌaomo, putae Lahataꞌala notahima dua mie suano Yahudi peda mie banara hampano kaparasaeando ne Anoa. Kapaꞌamo nandoo Bhihita Metaa nefosampeno wawo ne Abraham, ambano, “Namangka ne hintu, sabhaha bansano liwu daeꞌawa kabarakati.”

Yakobus 4:5

Koise fekihiomu miina nakotingkua wambano Kitabi aini, “O rohi neteino Lahataꞌala weo totono lalontoomu gaono mpuu so fehebuaꞌano.”