1 Timotius 5:17 - Muna Southern Dialect

¹⁷ Neangkando umati kumahadhaa metaano, nopantasi naetahima kafosibhala bhe ponambo metaa, mangke-mangkemo andoa umuleino lalondo defosampe bhoasaono Ompu bhe dofofoinaꞌu.

1 Timotius 5:17 Iomraidhean Croise

Matius 24:25

Tandaiꞌeomu! Kosasawiꞌae padamo afohatoangkoeꞌomu wawo inia.

Lukas 10:7

Meateomu ne lambu aitu, humaaꞌomu bhe fohoꞌuomu ampa kawaꞌaondo, kapaꞌamo mie kumahadhaano nopantasi naꞌumawa ponambono. Koise mebhali-bhaliiꞌomu lambu kabutuꞌa.

Lukas 12:42

Ambano Ompu Yesus, “Kaowu laꞌae bhahaa mie mandeꞌaono lambuno kafeompuꞌano motuhuno lalo bhe kotimbangino maitu? Anoamo maitu so nesangkeno kafeompuꞌa so neangkando kosasawindo bhatua so metaganaanda daomaa napobutu bhe tempono.

Yohanes 4:38

Hintimiu atudukoomu tumobheomu ne kaampo tapa nemowuleꞌaomiu; bhaindo mowuleane, hintimiu kolabaꞌaono kaowuleꞌando.”

Tula-tulando rasulu 11:30

Kamafakando naꞌa dodhalangie maka dotudu Barnabas bhe Saulus damowa dhoi naꞌa we kamungkulaꞌindo umati marasaeano we Yudea.

Tula-tulando rasulu 20:35

Ne sabhaha nehabuku ini afotiwohaangkomoomu sandaha putae tabeano dokahadhaa moꞌosa peda aini so datumulumiꞌao mie kumadee-deeno. Ingka nofaraluu datumandai nepugauꞌaono Ompu Yesus, kapaꞌamo padamo nopugau ambano, ‘Nobahakati dofowaꞌao bhe detahimaa.’ ”

Tula-tulando rasulu 28:10

Nobhahi kawaꞌaondo mbaꞌinomo dofosibhala kainsami, pakade hato tabhose, dowaꞌa kainsami sabhaha nefaraluu mani we sala.

Roma 12:8

Meꞌawano kapooli nafotangahi, naetaa nafotangahi. Meꞌawano kapooli so nadumawu-dawuꞌao kanandoono ne mie bhaino, naetaa nahumabue weo kahelasino lalo. Meꞌawano kapooli naembali neangka, naetaa naꞌumulei lalono nadhumalangie. Meꞌawano kapooli so metulumino mie weo kasabha, naetaa nadhumalangie weo kawulano lalo.

Roma 15:27

Andoa dosekabhotumo weo kahelasino lalondo, ingka daanumo nopantasimo datumulumi mie mokae we Yerusalem. Kapaꞌamo ane pae miendo Yahudi, mie suano Yahudi paise daeala dawu ne sabhaha kabarakatino Lahataꞌala. Dadiꞌanomo ingka nopantasimo dua mie suano Yahudi daꞌumondofao miendo Yahudi weo kafaraluuno dadi we dhunia ini.

Roma 16:12

Salam so Trifena bhe Trifosa, hobhineꞌi aini dokahadhaa mobhie doꞌondofao Ompu. Salam dua so Persis nemoasiꞌaoku, hobhine aini nokahadhaa mobhie dua noꞌondofao Ompu.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

1 Korintus 16:16

Dadiꞌanomo aesalo meangkaomu ne mie pedando andoa itu, bhe sabhaha mie kumahadhaa moꞌosano bhe andoa itu.

1 Korintus 3:9

Kapaꞌamo insaodi ini taposabha-sabhangka weo kahadhaa so Lahataꞌala, hintimiu itu tapedamo kaampono Lahataꞌala, tapedamo dua lambu so Lahataꞌala.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Galatia 6:6

Mie nefoinaꞌuꞌao bhoasaono Ompu, naetaa nadumawue dua sabhaha kanandoono metaaꞌano bhe guruno.

Filipi 2:16

poowa fintahakiomu bhe fosampeomu bhihita meowano dadi. Ane dadimiu nada naꞌa, ne oleo kahatoꞌano Kristus, naowoseangkoomu bhakeku. Kapaꞌamo anaꞌa katandainomo miina nasumia-siaꞌa apogolo, miina dua nasumia-siaꞌa aowuleangkoomu, ⸤ kahadhaaku nokohasili⸥ .

Filipi 2:29

Tahima metaaꞌeomu weo kawulano lalomiu peda seemie dua bhahitie weo Ompu. Fosibhaladaomu mie medano anoa ini.

Filipi 4:3

Hintu dua, posabhangkaꞌaku mpuu, aesaloiko tulumida hobhine hoduano maitua. Kapaꞌamo andoa ini dokahadhaa mobhie bhe idi weo foleleꞌano Bhihita Metaa, pedamo dua Klemens bhe sabhangkaꞌiku sigaoꞌano kumahadhaano bhe idi. Neando andoa ini notibuhi weo Kitabindo Mie Dumadi.

1 Timotius 3:5

Kapaꞌamo ane o mie pae namande namefotuꞌao polambuno wutono, nada amai bhahaa namefotuꞌao umatino Lahataꞌala?

1 Timotius 4:10

Kanandooꞌanomo intaodiomu ini doꞌulei lalontoomu dokahadhaa moꞌosa hampano doposahunaꞌao ne Lahataꞌala dumadino. Anoa mosalamatino kosasawindo manusia, mangke-mangkemo mie marasaeano ⸤ ne Kristus⸥ .

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

1 Timotius 4:16

Dhagani wutomu, dhaganie dua kafoinaꞌumu. Mpuu-mpuunie bhahi-bhahiꞌae naꞌa, kapaꞌamo ane moolie ingka mosalamatimo wutomu bhe kosasawindo mie metingkeko.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

1 Timotius 5:19

Koise metahima kasangkati ne seemie neangkando umati, ane pae bhe sakusiino dahodua totolu so mekamatangkae.

1 Timotius 5:3

Fosibhalada bhihinanda dumadino weo kakae samoi-moisano.

2 Timotius 2:6

Seemie moꞌosano mekaampono, anoamo kohakuno naꞌumawa pehapi kabhao-bhaono.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

Ibrani 13:24

Fosampe kanauꞌomu salam ne kosasawindo neangkamiu bhe kosasawindo umati marasaeano. Bhahitieꞌi maiꞌaono we Italia depakatuangkoomu dua salam.

Ibrani 13:7

Feꞌulaidaomu neangkamiu toka mefosampeangkoomu bhoasaono Lahataꞌala. Ondoomu kodadindo bhe komatendo, maka mesandahaomu ne kaparasaeando.