1 Timotius 5:1 - Muna Southern Dialect

¹ Koise noꞌosa lalomu ne kamungkulaꞌi moꞌane, tamaka mefeꞌulaianda pototoanda bhe amamu. Moꞌane mohangkuꞌano dadi pototoanda bhe kakutaꞌamu.

1 Timotius 5:1 Iomraidhean Croise

Matius 23:8

Tamaka hintimiu koise undaomu dakumonakoomu guru, kapaꞌamo seemie kaowu gurumiu; kosasawimiu itu sebhahi-bhahitieꞌomu.

Tula-tulando rasulu 14:23

Ne amai tombudo umati neangkaindo, Paulus bhe Barnabas desangkeanda seemie hodua kamungkula so neangkando. Poangka dosambahea bhe dopoasa, kamungkulaꞌi andoa ini dofopulidamo ne Ompu neparasaeandomo.

Tula-tulando rasulu 15:4

Sahatondo we Yerusalem dotahimadamo umati marasaeano, rasulu sigaoꞌano bhe kamungkulaꞌi. Pada anaꞌa detula-tulaandamo sabhaha nehabuno Lahataꞌala noangka ne limando.

Tula-tulando rasulu 15:6

Dadiꞌanomo rasulu bhe kamungkulaꞌi dohompumo dapugau-gauꞌao anaꞌa.

Tula-tulando rasulu 20:17

Paulus netudu seemie namaiꞌao we Miletus nakumala we Efesus. Anoa noowili kamungkulaꞌindo umati marasaeano we kotano Efesus damai we Miletus.

Roma 13:7

Dadiꞌanomo tanduaꞌaneomu sabhaha maraluuꞌano so netanduaꞌao ne laꞌae maka dua. Tanduaꞌao sewa ne kohakuno metahimano sewa, tanduaꞌao dua sabhaha ulano sewa sigaoꞌano ne kohakuno tumahimae. Mihikidaomu mie maraluuꞌano nemihiki, fosibhaladaomu mie maraluuꞌano nefosibhala.

Galatia 6:1

Bhahitieꞌiku, ane nandoo mie nehatofimiu nehabu dhosa, hintimiu dumadino mangkafino Rohino Lahataꞌala tabeano tumondaeꞌomu so nasumuliꞌao ne metaaꞌano. Tamaka tabeano malu-malusieꞌomu bhe dhagani wutomiu bhahasaa tiwudhuomu dua bhe hintimiu.

1 Timotius 5:17

Neangkando umati kumahadhaa metaano, nopantasi naetahima kafosibhala bhe ponambo metaa, mangke-mangkemo andoa umuleino lalondo defosampe bhoasaono Ompu bhe dofofoinaꞌu.

1 Timotius 5:2

Kamungkulaꞌi hobhine pototoanda bhe inamu; hobhine mohangkuno dadi pototoanda dua bhe kakutaꞌamu, namaiꞌao ne fekihimu mongkilono.

Titus 2:2

Tangahida kamungkula moꞌane tabeano damoolie damewanaki totono lalondo, namantasi damosibhalada, bhe dakotimbangi. Kaparasaeando ne Kristus tabeano nakumampuu-mpuu, kanini kaasindo ne mie bhaindo sadaa-daa bhe dapotaami weo kasabha.

Titus 2:6

Pedamo dua moꞌane kahangku dadi, tangahida nada amai maka dua damewanakie totono lalondo.

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.

Yakobus 5:14

Ane ne olotamiu bhe mosakino, naetaa naebhasi kamungkulaꞌi neangkando umati dasumambaheaꞌane bhe dabheluane mina weo neano Ompu.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

2 Yohanes 1:1

Suha aini nomaiꞌao ne idi, kamungkula neangkando umati so hintu, waꞌina nepilino Lahataꞌala bhe anaꞌino kamoasiꞌaoku mpuu. Suano kaowu idi moasiangkoomu, tamaka kosasawindo mie mandeꞌaono kabanarano Lahataꞌala, doasiangkoomu dua.

3 Yohanes 1:1

Bhahitieku Gayus nemoasiꞌaoku! Suha aini nomaiꞌao ne idi, kamungkula neangkando umati, aoasiangko mpuu.

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.