1 Timotius 4:8 - Muna Southern Dialect

⁸ Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

1 Timotius 4:8 Iomraidhean Croise

Matius 12:32

Ane o mie nopahampugau noewangi Anano Manusia natiꞌamponi; tamaka ane dopahampugau doewangi Rohino Lahataꞌala pae natiꞌamponia, naetaa te dhunia ini, naetaa we suliꞌa.”

Matius 19:29

Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani.

Matius 6:33

Dadiꞌanomo ondofiomu kadeki Kafopahintaꞌano Lahataꞌala bhe dhalangieꞌomu kapoindalono. Maka kosasawiꞌae kafaraluumiu naꞌa namaꞌangkoeꞌomu dua.

Markus 10:30

Ne dhamani aini daeꞌawa moꞌono paku kabhahino: o lambu, o bhahitie, o ina, o anaꞌi bhe kaampo, tamaka daenamisi dua kafodee-dee. We dhamani mbuhumai daeꞌawa dadi suhue dhamani.

Lukas 5:38

Dadiꞌanomo angguru buꞌou tabeano doteiꞌe ne kaenteiꞌa buꞌou.

Roma 8:28

Ingka dopandeꞌaanemo, ne kadhadhia ae maka dua Lahataꞌala nokahadhaa so kaetaaꞌano mie moasiane, mie toka nebhasino posahataa bhe patudhuno.

1 Korintus 3:22

Naetaa ndo Paulus, Apolos bhe Petrus, naetaa o dhunia, o dadi bhe mate, sampe dhamani aini bhe oleo mbuhumai ingka saneamo fehebuaꞌamiu.

1 Korintus 8:8

Sakotuꞌuꞌano oti nehumaa miina namekakomaꞌo kaitaomu ne Lahataꞌala. Ane dohumaaꞌe miina dakolabaanea, ane miina daomaaꞌe miina dua daohugianea.

1 Timotius 4:7

Fogampie tingalamu ne sabhaha tula-tula sia-sia bhe kapu-kapunando kamungkula ngkehu. Ulei lalomu kaneaꞌe wutomu so dadi lumebeno.

1 Timotius 6:3

Ane nandoo fofoguhuꞌaono kafoinaꞌu poꞌalatiꞌano bhe kafoinaꞌu aini, maꞌanano miina namangkafiea kafoinaꞌu kumotuꞌuno maiꞌao ne Ompuntoomu Yesus Kristus bhe kafoinaꞌuno agamantoomu,

1 Timotius 6:5

bhe posala-salamaꞌana tapa mopoopulino. Fekihindo mie medano anaꞌa nodaimo mpuu, miinamo damangkafi kumotuꞌuꞌano. Kunaꞌendomo agama maitu naeowaanda kahangkaea.

1 Timotius 6:6

Daanumo agama neowa kahangkaea bhalano ane notumpumo lalondo ne kanandoo netahimando.

2 Timotius 3:5

Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

1 Yohanes 2:25

Maka nepodhandiꞌaono wutono Kristus ne intaodiomu, ingka o dadi suhue dhamani.

Powoha 3:12

Sasuka fotalono amoehee naembali kampana weo Lambuno Lahataꞌalaku bhe paemo sepaliꞌa nalumimba maiꞌao ne naꞌa. Ne mbadhano abuhiane neano Lahataꞌalaku bhe neano kotano Lahataꞌala nekonando Yerusalem buꞌou, sumampuꞌano maiꞌaono ne Lahataꞌala te surugaa, bhe abuhiane dua neaku buꞌouꞌano.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.