1 Timotius 4:3 - Muna Southern Dialect

³ Andoa deꞌeleꞌao mie dagumaa bhe ambado nandoo oti so pata membaliꞌano daomaaꞌe. Gahaꞌaitumo oti amaitu nofokonandooꞌe Lahataꞌala so daomaa mie marasaeano ne Kristus bhe toka mandeꞌaono kabanara, poangka damoampe katumpuno lalondo.

1 Timotius 4:3 Iomraidhean Croise

Matius 14:19

Pada anaꞌa mie bhahi notududamo daengkoha ne kahoku. Dengkoha kaowu, noalamo roti lima onuno bhe kenta haa uluno naꞌa, nototohana te lani nefoampe katumpuno lalo ne Lahataꞌala maka nobhebhehae. Pada anaꞌa nowaꞌandae anaguhuꞌino dodawu-dawuandae mie bhahi maitu.

Matius 15:11

“Fetingke bhe tandaiꞌeomu! Suano mesuaꞌano ne wobhano manusia fofekaharamuno, tamaka lumimbaꞌano ne wobhano aituꞌaemo fofekaharamuno.”

Matius 15:36

Pada anaꞌa noalamo roti fitu onuno naꞌa bhe kakenta-kentano, nefoampe katumpuno lalo ne Lahataꞌala, nobhebhehae maka nowaꞌandae anaguhuꞌino dodawu-dawuandae mie bhahi.

Lukas 24:30

Hato naomaa bhe andoa, Yesus nealamo roti, nobarakatie maka nobhebhehae bhe nodawuandae.

Yohanes 6:23

Pada amaitu nohatomo seꞌonu haa onu bhangka maiꞌaono we liwuno Tiberias nosede we owano kahumaaꞌando roti, sapalusino Ompu nefoampe katumpuno lalo endewi.

Tula-tulando rasulu 27:35

Pada nopugau peda naꞌa, Paulus nealamo roti, nefoampe katumpuno lalo ne Lahataꞌala ne wisendo kosasawindo maitu. Roti anaꞌa nobhebhehaemo maka nohumaa.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Roma 14:3

Momaano sabhahadamo koe nopisaki mie pata momaano, tamaka mie tapa momaano koe dua nofoꞌala mie momaano, kapaꞌamo mie aitu ingka notahimaemo dua Lahataꞌala.

Roma 14:6

Mie mefosibhalano oleo peta nahumabua hampano somo dua namosibhalaꞌao Ompu. Pedamo dua momaano sabhahadamo, ingka nohabu peda anaꞌa somo namosibhalaꞌao Ompu, hampano nefoampe katumpuno lalo ne Lahataꞌala. Mie momaano kaowu hunsau, peta nahumabua hampano so namosibhalaꞌao dua Ompu, kapaꞌamo nefoampe dua katumpuno lalo ne Lahataꞌala.

1 Korintus 6:13

Nandoo dua mugauno o oti so iꞌino handa, o handa so kaeateꞌano oti, tamaka ingka kohaahondaꞌae ini sanea namosalie Lahataꞌala. Mbadhando manusia paise naembalia damakee so dapokawite-witeꞌao tamaka so daꞌumondofaoꞌao Ompu, bhe Ompu umondofaono mbadhando manusia.

1 Korintus 7:28

Tamaka ane gumaa, pae kodhosaa. Pedamo dua ane seemie kalambe nagumaa pae nakodhosaa. Ampamo kaowu mie gumaano nabhahi naeꞌawa kasabhano dhunia, sakotuꞌuno gaoku lumapaomu ne kasabha anaꞌa.

1 Korintus 8:8

Sakotuꞌuꞌano oti nehumaa miina namekakomaꞌo kaitaomu ne Lahataꞌala. Ane dohumaaꞌe miina dakolabaanea, ane miina daomaaꞌe miina dua daohugianea.

Kolose 2:16

Dadiꞌanomo koise undaomua mie bhaimiu damoꞌalakoomu hampano nehumaa bhe nefohoꞌumiu. Koemo dua damosuhukoomu meangkafiomu oleo hohaeaꞌano agama tawa hohaeaꞌano wula mohangku bhahaꞌi oleono Sabat.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

1 Timotius 2:4

Gaono mpuu Lahataꞌala, kosasawindo manusia dasumalamati bhe damandeꞌao kabanara.

1 Timotius 4:4

Kapaꞌamo bhahi-bhahiꞌae nefokonandoono Lahataꞌala netaa, bhe naseꞌise miina bhe moharamuꞌano, sumanomo dotahimae weo katumpuno lalo.

1 Timotius 5:14

Dadiꞌanomo gaoku bhihinanda kahangku dadi dagumaa toha, dakoana maka daꞌumatoro polambudo, neanomo kaewantoomu pae datolalaa damekabuhu neantoomu.

Ibrani 13:4

Kosasawiꞌamiu fosibhalaeꞌomu o kakawi, koise pokadengoꞌao kaodoꞌamiu, kapaꞌamo mie pokawite-witeno bhe monsuleno nabhitahakida Lahataꞌala.

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.