1 Timotius 4:16 - Muna Southern Dialect

¹⁶ Dhagani wutomu, dhaganie dua kafoinaꞌumu. Mpuu-mpuunie bhahi-bhahiꞌae naꞌa, kapaꞌamo ane moolie ingka mosalamatimo wutomu bhe kosasawindo mie metingkeko.

1 Timotius 4:16 Iomraidhean Croise

Markus 13:9

Tamaka hintimiu ini posiꞌondoomu! Mada kaowu dahumakofikoomu maka dabhitahakikoomu Sahano Agama. Damepekikoomu weo lambu kasambaheaꞌa. Pakade damowakoomu ne wisendo kafeompuꞌa bhe omputo, hampano membaliomu anaguhuꞌiku. Aini seꞌise dua katolala membaliomu sakusiiku ne wisendo.

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

Tula-tulando rasulu 26:22

Tamaka notulumi kanau Lahataꞌala sampe nandoo adadi ampa seꞌoleo itu, neanomo naembali asumakusiiꞌao kosasawiꞌae ini, naetaa ne mie ndidiki, naetaa ne mie bhalano. Bhihita nefoleleku ini sakotuꞌuno nopototomo bhe nekosuahaꞌaono anabii Musa bhe ana-anabii sigaoꞌano.

Tula-tulando rasulu 6:4

Neanomo insaodia tamosibhalamo sambahea, bhe taefolele bhoasaono Lahataꞌala.”

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

Roma 16:17

Bhahitieꞌiku, aesalo mpuu posiꞌondoomu ne mie meowano powengkeꞌa weo umati bhe kakodhosaꞌando mie marasaeano. Aitu nopoꞌala bhe kafoinaꞌu toka netahimamiu. Dadiꞌanomo gampiandaomu.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Korintus 9:22

Bhe mie monaleno kaparasaea, adadi dua peda mie monaleno kaparasaea, neanomo amoolida amowada ne Kristus. Tangkanomo, bhe sabhaha mie aangkafi sabhaha kodadindo, bhahaꞌi kaowu nada amai maka dua dhalano seemie hodua amoolida amowada ne Kristus.

1 Korintus 9:27

Idi akanea wutoku: miina aooloanea uluku, afobhatua mbadhaku, neanomo namada aefolele Bhihita Metaa ne mie bhaiku, pae damolimba kanau ne potandingiꞌa.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

Kolose 4:17

Fohatoomu dua Arkipus, “Fotokaemo kahadhaa netahimamu weo kaꞌondofaomu ne Ompu.”

1 Tesalonika 2:16

Patudhundo daꞌumonto-ontomi kainsami keana taefolele Bhihita Metaa ne bansano liwu suano Yahudi keana dosalamati. Pedamo naꞌa dhosando tadotubha-tubhahimo kansuhu sampe nohato ne kakapoꞌano. Panda-pandano nokangkanaidamo mpuu amahano Lahataꞌala.

1 Timotius 1:3

Gaoku mpuu meate kansuhu we kotano Efesus, pedamo kamesaloku wakutuuno akala we kadieno Makedonia. Kapaꞌamo we Efesus nandoo seemie hodua mefomantaleno kafoinaꞌu tapa kumotuꞌu, dadiꞌanomo hintumo so mofetumpudaa.

1 Timotius 4:15

Dhalangie mpuu bhahi-bhahiꞌae naꞌa bhe fintahakie, neanomo sabhaha mie damohae dadimu dhulu kataa.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

2 Timotius 3:14

Tamaka hintu Timotius, fintahakie kabanara toka nepoguhuꞌaomu bhe neparasaeamu, ingka pandeꞌaanda ndo laꞌae gurumu.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

Titus 1:9

Anoa tetewei namintahaki kafoinaꞌu tiparasaea, peda toka nepoguhuꞌaono. Ane nada anaꞌa naembalimo nafotangahiꞌao kafoinaꞌu banara, naembalimo dua namotiwohaanda kaꞌalando mie mewangie.

Titus 2:15

Fohatoandae kosasawiꞌae wambano suha aini, tangahida bhe mefeꞌulaianda. Pakee sabhaha kuasa neꞌawamu. Koise bhe misakiko.

Titus 2:7

Wutomumo so membalino sandahando weo habu metaa. Ane fofoinaꞌu, tabeano naelaa totono lalomu bhe kumampuu-mpuu,

Filemon 1:19

Naetaa dua abuhiangkoe amake limaku wutoku: Idi, Paulus, so dumudue. (Tantumo miina namaraluua ameꞌulaiangkoe, ingka hintu itu bhe dosamu dua ne idi. Nepulaoꞌaoku naꞌa dadi buꞌou netahimamu pakaparasaeamu).

Ibrani 12:15

Dhaganieꞌomu koise bhe mekapingkano maiꞌao ne rahamatino Lahataꞌala, koise dua bhe so membalino peda kantisa mopaꞌi kohasu ne olotamiu itu, kapaꞌamo hasuno naeowa kasabha bhe naedai-dai mie bhahi.

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

Yakobus 5:20

Tandaiꞌeomu wamba aini: mie moolino mosulino mie kodhosa ne metaaꞌano, mie aitu namosalamatimo alusuno mie kodhosa naꞌa maiꞌao ne mate, bhe nabhahi dhosa tiꞌamponiꞌano.