1 Timotius 3:15 - Muna Southern Dialect

¹⁵ Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

1 Timotius 3:15 Iomraidhean Croise

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Matius 18:18

Amohatokoomu, kotu-kotuꞌu: o ae neꞌeleaꞌaomu we dhunia ini, natiꞌeleaꞌao dua te surugaa; o ae neꞌundaꞌaomu we dhunia ini, natiꞌundaꞌao dua te surugaa.

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 18:37

Ambano dua Pilatus, “Gahaꞌa nokotuꞌu hintu ini omputo?” Ambano Yesus, “Ingka ambamu hintu Idi ini omputo. Patudhuno kalenteꞌaku bhe kahatoꞌaku ne dhunia ini, asumakusiiꞌao kabanara. Sasuka mie tumaino ne kabanara, nametingke suahaku.”

Yohanes 6:69

Insaodi taparasaeamo bhe tapandeꞌaanemo Hintumo mie mongkilo Katuduno Lahataꞌala.”

Tula-tulando rasulu 1:2

ampa ne oleono katisangkeꞌano te surugaa. Miinaꞌo natisangke te surugaa, weo kuasano Rohino Lahataꞌala padamo nohunsa pahintano ne rasulu nepilino.

Tula-tulando rasulu 14:15

“Alee, noafa habuꞌaoꞌomu giu aitu? Insaodi ini ingka mie melaa, kabeanga dua hintimiu! Kahatoꞌa mani ne ini tamohatoangkoomu Bhihita Metaa so humunsaꞌaoꞌomu giu tapa kofahalaaꞌano ini, neanomo dumolimoomu bhe marasaeamoomu ne Lahataꞌala dumadino. Anoamo mokonandoono o lani, o dhunia, o teꞌi bhe kosasawiꞌae iꞌino.

Roma 3:2

Ingka nobhahi sepaliꞌa, tanofegiu. Katandaꞌano ne miendomo Yahudi katiposahunaꞌaoꞌano bhoasaono Lahataꞌala.

Roma 9:26

Ane endefiꞌini mieno seꞌonu liwu dofohatoda, ‘Hintimiu itu suano umatiku’, mada kaowu mie andoa maitu dakumonada anaꞌino Lahataꞌala dumadino.”

1 Korintus 10:32

Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

1 Korintus 3:16

Miina mandeꞌaaneomua gahaꞌa putae hintimiu itu Lambuno Lahataꞌala? Miina mandeꞌaaneomua gahaꞌa putae Rohino Lahataꞌala neate weo totono lalomiu?

2 Korintus 3:3

Nentaleamo hintimiu itu suha nebuhino Kristus noangka ne insaodi. Suha aini miina dabuhiane dawati tamaka dobuhiane Rohino Lahataꞌala dumadino, miina dua dabuhie ne katibhano kontu tamaka ne katibhano totono lalondo manusia.

2 Korintus 6:16

O ae bhahaa pokaiꞌano Lambuno Lahataꞌala bhe lambuno barahala? Ingka intaodiomu ini Lambuno Lahataꞌala dumadino, kapaꞌamo Lahataꞌala nokobhoasao, “Aeate bhe andoa, adumadi ne wunta-wuntando; o Idi aembali Lahataꞌalando, andoa daembali umatiku.”

2 Korintus 6:7

taefolele bhihitano kabanara, tafotiwoha kuasano Lahataꞌala, dadi banara mbalimo ewanga mani so tapopahisaꞌao bhe tapobentengiꞌao wuto mani;

Galatia 2:9

Dowoha kaowu rahamati netahimaku so aembaliꞌao rasulu, maka Yakobus, Petrus bhe Yohanes dopointaha lima kanaumo bhe Barnabas dua, peda tandano pobhahitie. Andoa ini ingka kapasandeꞌandomo mie marasaeano. Tapoꞌunda-undapianemo insaodi taefolele Bhihita Metaa ne mie suano Yahudi, andoa daefolele Bhihita Metaa ne miendo Yahudi.

Galatia 3:1

Hintimiu miendo Galatia, kabhohemiu gahaꞌa! Nofobhohe-bhoheꞌikoomu laꞌae bhahaa ⸤ sampe hunsaomu kafoinaꞌu banara⸥ ? Ingka padamo afekantale-ntaleaꞌangkoeꞌomu mateno Yesus Kristus te sau salipu.

Efesus 4:21

Kapaꞌamo ingka fetingkemoomu bhihitano Kristus bhe peda mie mangkafie tahimaemoomu dua kafoinaꞌu banara, koꞌulaꞌano ne wutono Yesus.

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

1 Tesalonika 1:9

Mie andoa maitu detula-tulaꞌaomo kataano tahima kainsamiomu ⸤ pakamai mani⸥ te liwumiu, detula-tulaꞌaomo dua putae kukundoemoomu barahala nesombaimiu maka doliomu ne Lahataꞌala banarano dumadino, feompumoomu ne Anoa.

1 Timotius 3:14

Bhahi-bhahiꞌae ini abuhiangkoe, mahinggamo weo posahunaꞌaoku nasee-seendai ini amai apoꞌawaangko.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

1 Timotius 3:2

Dadiꞌanomo neangkando umati tabeano mie tapa kodengo-dengono, seemie kaowu hobhineno, nopoolie nofewanaki totono lalono, nokotimbangi, nokoꞌadhati, nohelasi nefotiampe mie weo lambuno, bhe nopande nofofoinaꞌu.

1 Timotius 3:5

Kapaꞌamo ane o mie pae namande namefotuꞌao polambuno wutono, nada amai bhahaa namefotuꞌao umatino Lahataꞌala?

1 Timotius 4:10

Kanandooꞌanomo intaodiomu ini doꞌulei lalontoomu dokahadhaa moꞌosa hampano doposahunaꞌao ne Lahataꞌala dumadino. Anoa mosalamatino kosasawindo manusia, mangke-mangkemo mie marasaeano ⸤ ne Kristus⸥ .

1 Timotius 6:16

Anoamo Kaseemie-mieꞌano tapa nekuasaino mate, neate weo tilanga tapa tiꞌowatiꞌano. Bhe naseemie manusia miina bhe mohaea, daanumo pae bhe kapooli damohaea. Ne Anoamo kafosibhala bhe kuasa suhue dhamani! Amin.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

2 Timotius 2:20

We lalono seꞌonu lambu bhalano nobhahi kaenteiꞌa, nandoo maiꞌao ne bulawa bhe salaka, tamaka nandoo dua maiꞌao ne sau bhe wite pulu. Kaenteiꞌa bulawa bhe salaka mbali kafaraluuno hame bhalano, o kaenteiꞌa sau bhe wite pulu mbali kafaraluu maꞌoleo hangkowine.

Ibrani 10:21

Ampa aitu intaodiomu bhe Imamuntoomu Bhalano mandeꞌaonomo Lambuno Lahataꞌala ⸤ te surugaa⸥ .

Ibrani 12:22

Tamaka nopoꞌala bhe hintimiu. Hintimiu hatoomu ne kabhawono Sion, ne kotano Lahataꞌala dumadino, kotano Yerusalem te surugaa, ne kantawundo malaꞌekati ntini hewu-hewuno.

Ibrani 3:12

Bhahitieꞌiku! Posiꞌondoomu, koise bhe kolalo modaino bhe tapa marasaeano ne olotamiu itu, sampe nokukundo Lahataꞌala dumadino.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

1 Petrus 2:5

Hintimiu tapedamo dua kontu dumadino, dadiꞌanomo undaomu namakekoomu Lahataꞌala so namoeheꞌao lambu so katisombaiꞌano. Ane nada naꞌa, ingka membalimoomu imamu mongkilono mefoampeno kapopanga posahataano bhe lalono Lahataꞌala noangka ne Yesus Kristus.

1 Petrus 4:17

Aitu nohatomo tempono Lahataꞌala nabhitahakimo dhunia, natumanda ne umatino. Dadiꞌanomo ane kabhitahakino natumanda ne intaodiomu marasaeano, nada amai bhahaa losano mie tapa marasaeano ne Bhihita Metaa?

Powoha 7:2

Awohamo dua malaꞌekati sigaoꞌano nomaiꞌao te mata oleo newowoꞌo kakatandano Lahataꞌala dumadino. Malaꞌekati anaꞌa nokei nofekahaa-haaꞌi ne malaꞌekati popaano meꞌawano kuasa dadumai-dai wite bhe teꞌi,