1 Timotius 2:8 - Muna Southern Dialect

⁸ Dadiꞌanomo gaoku mpuu, ne amai maka dua o moꞌane dasumambahea datumanampe limando mongkilono, koe doꞌamahaa, koe dopotaga-tagalia.

1 Timotius 2:8 Iomraidhean Croise

Matius 21:21

Ambano Yesus, “Amohatokoomu, kotu-kotuꞌu ane marasaeaꞌomu bhe paise poibhahaomu, tetewei mooliomu dua mehabuomu peda nehabuku ne puꞌuno ara maitu. Bhahamoa suano kaowu taꞌo anaꞌa, tamaka mahingga pugauꞌomu ne kabhawo aini, ‘Sangke wutomu maka oho wutomu we teꞌi’, tetewei nakumadhadhia.

Matius 5:44

Tamaka ambaku Idi, moasianda kaewamu bhe sambaheaꞌanda mie modee-deeko.

Matius 6:12

Amponie sabhaha dhosa mani, pedamo dua insaodi tamaꞌafuꞌao mie kokaꞌalano ne insaodi.

Lukas 23:34

Nopugaumo Yesus ambano, “Ama, amponida kapaꞌamo miina damandeꞌaanea nehabundo.” O tantara dodawu-dawumo pakeano, dopodaduane mbali notipandeꞌaoane dawuno seemie-seemie.

Lukas 24:50

Pada peda maitu Yesus nowowoꞌodamo we simbalino kota ampa te owano Betania. Hato ne itu nosangke limano maka nobarakatida.

Yohanes 4:21

Ambano Yesus, “Parasaea kanau waꞌina, tetewei nahumato tempono o mie paemo dasumombai Amaku Lahataꞌala te kabhawo aini, paemo dua we Yerusalem.

Tula-tulando rasulu 10:2

Anoa ini mie lumebe, koseꞌonu lambudo doteꞌi ne Lahataꞌala. Anoa nobhahi pakuno netulumi miendo Yahudi mokaeno bhe sadhia dua nosambahea ne Lahataꞌala.

Tula-tulando rasulu 10:31

Ambano mie anaꞌa, ‘Kornelius, sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Tula-tulando rasulu 10:4

Kornelius noꞌondo malaꞌekati aitu maka nofeenaꞌao kateꞌi, “O ae bhahaa Ompu?” Ambano malaꞌekati naꞌa, “Kosasawiꞌae sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Tula-tulando rasulu 21:5

Tamaka nohato kaowu tempono, tapansuhumo. Mie marasaeano ne itu mahingga hobhineꞌi bhe anaꞌindo doato kainsami ampa we simbalino kota. Tahato we wiwino teꞌi tafongkohamo tuu mani maka tasambahea.

Tula-tulando rasulu 7:60

Poangka nofongkoha tuuno nokeimo fekabhala-bhala, “Ompu, koise fotongkuandae dhosa aini!” Palusi nopugau peda naꞌa, nobhotumo inawano. Saulus noꞌunda dua Stefanus dopongkoe.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

1 Korintus 7:7

Sakotuꞌuꞌano gaoku kosasawindo mie nada dua idi ini, ampamo kaowu ingka seemie-seemie bhe kadawu kamoisaꞌaono maiꞌao ne Lahataꞌala, seemieno peda aini seemieno peda aitu.

2 Korintus 2:14

Foampe kaitaomu katumpuno lalo ne Lahataꞌala, kapaꞌamo Kristus noowa kainsami tabhatompa weo hame-hameno kafotaloꞌano, hampano kaseꞌise mani bhe Anoa. Lahataꞌala nopake kainsami taefolele Bhihita Metaano Kristus ne amai maka dua tapedamo wonono mina-mina mowonduno.

Filipi 1:12

Bhahitieꞌiku, gaoku mandeꞌaaneomu putae kumadhadhiaꞌano ne idi ini ⸤ maꞌanano dotohongku kanau ini⸥ , mbali kaowu nofodhuluꞌao kaꞌewano leleno Bhihita Metaa.

1 Tesalonika 1:8

Kapaꞌamo nomaiꞌao ne hintimiu bhoasaono Ompu nokolelemo suano kaowu ampa we Makedonia bhe Akaya, tamaka ne amai liwu nohatomo bhihitano kaparasaeamiu ne Lahataꞌala, sampe insaodi miinamo namaraluua taetula-tulaanea.

1 Timotius 5:14

Dadiꞌanomo gaoku bhihinanda kahangku dadi dagumaa toha, dakoana maka daꞌumatoro polambudo, neanomo kaewantoomu pae datolalaa damekabuhu neantoomu.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Ibrani 10:22

Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

Yakobus 4:8

Fekamaꞌo wutomiu ne Lahataꞌala, maka Anoa namaꞌotikoomu dua. Hintimiu mie kodhosa, fekangkilo dadimiu. Hintimiu kohaꞌano totono lalo, fekamoinda totono lalomiu.

1 Petrus 3:7

Hintimiu dua moꞌaneꞌi, fosibhalaeꞌomu namisino hobhinemiu weo dadino polambu. Tandaiꞌeomu andoa maitu miina napototo kaꞌosando bhe hintimiu. Fosibhaladaomu, kapaꞌamo andoa dapoowa-owa bhe hintimiu saneamo so umawano kadawuno Lahataꞌala, maꞌanano dadi suhue dhamani. Dhalangieꞌomu bhahi-bhahiꞌae ini, keana notitee sambaheamiu.