1 Timotius 2:7 - Muna Southern Dialect

⁷ Kanandooꞌanomo idi ini nosangke kanau aembali guru bhe rasulu meowano bhihita ne mie suano Yahudi, amoleleanda bhihitano kaparasaea bhe kabanara. Wambaku ini nokotuꞌu, miina akopahaa.

1 Timotius 2:7 Iomraidhean Croise

Yohanes 7:35

Miendo Yahudi dopugau-gaumo sapada-pada andoa ambado, “Nakumala ne amai bhahaa mie aini sampe pae dapoꞌawaaneomua? Bhahaa patudhuno nakumala ne miendo Yahudi meateno we koliwuno, we witeno Yunani? Bheanea namoinaꞌu miendo Yunani naꞌa?

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Tula-tulando rasulu 22:21

Tamaka ambano Ompu, ‘Kalamo, kapaꞌamo atumuduko we kodoꞌoꞌano, we liwundo mie suano Yahudi.’ ”

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

Roma 1:9

Taenomo asambahea sadhia dua afeꞌulaikoomu. Wutono Lahataꞌala sakusiino pugauku ini. Ingka Anoamo nefeompuniꞌiku sampuu-mpuuno laloku weo foleleꞌano Bhihita Metaano Anano.

Roma 10:14

Ampamo kaowu nada amai daetondala ne Lahataꞌala ane paeꞌo damarasaeaꞌe? Nada amai damarasaea ane paeꞌo dametingke bhihitano? Tamaka nada amai dametingke ane paeꞌo bhe mefoleleanda bhihita?

Roma 11:13

Apugau ne hintimiu, bansano liwu suano Yahudi! Hampano idi ini o rasulu so bansano liwu suano Yahudi, maka taka kaꞌondofaoku ini afosibhalae mpuu.

Roma 15:16

Takaku ini ingka aembali mie umondofaono Kristus Yesus ne olotando sabhaha bansano liwu suano Yahudi. Aembalimo kanggetu seemie imamu meowano Bhihita Metaa maiꞌaono ne Lahataꞌala, neanomo sabhaha bansano liwu daembali kanggetu kapopanga titahimano ne Lahataꞌala bhe nefekangkilono Rohino Lahataꞌala.

Roma 9:1

So nepugauꞌaoku ini nokotuꞌu; ingka aseꞌise bhe Kristus, miina akopahaa. Totono laloku neatono Rohino Lahataꞌala netanga-tangaꞌaomo dua kakotuꞌuno pugauku.

1 Korintus 9:1

Suano mie bebasia gahaꞌa idi ini? Suano dua rasulu gahaꞌa idi ini? Idi kunaꞌekumo padamo dua apowoha bhe Yesus Ompuntoomu. Ingka kunaꞌekumo hintimiumo itu hasilino akahadhaa so Ompu.

2 Korintus 11:31

Lahataꞌala, Amano Ompu Yesus, nopandeꞌaane miina akopahaa. Natipudhi neano ampa suhue dhamani.

Galatia 1:16

Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.

Galatia 1:20

Aitu bhe Lahataꞌala mandeꞌaane; nebuhiku ini nokotuꞌu, miina akopahaa.

Galatia 2:16

Mahinggamo peda anaꞌa, tapandeꞌaanemo o manusia notahimae Lahataꞌala peda mie banara mpahinomo hampano noparasaea ne Yesus Kristus, suano mbaꞌinomo nodhalangi tubhono agama Yahudi. Dadiꞌanomo insaodi dua taparasaeamo ne Yesus Kristus, neanomo weo kaparasaea mani maitu naembali natumahima kainsami Lahataꞌala peda mie banara, suano mbaꞌinomo taangkafi tubhono agama. Kapaꞌamo bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi.

Galatia 2:9

Dowoha kaowu rahamati netahimaku so aembaliꞌao rasulu, maka Yakobus, Petrus bhe Yohanes dopointaha lima kanaumo bhe Barnabas dua, peda tandano pobhahitie. Andoa ini ingka kapasandeꞌandomo mie marasaeano. Tapoꞌunda-undapianemo insaodi taefolele Bhihita Metaa ne mie suano Yahudi, andoa daefolele Bhihita Metaa ne miendo Yahudi.

Galatia 3:9

Abraham noparasaea ne Ompu, maka neꞌawa kabarakati. Dadiꞌanomo kosasawindo marasaeano daeꞌawa dua kabarakati peda neꞌawano Abraham.

2 Timotius 1:11

Somo Bhihita Metaa aini, Lahataꞌala nosangke kanau so mosampeno bhoasaono, o rasulu bhe guru.

2 Petrus 2:5

Pedamo dua anaꞌa we dhamani wawono, mie modai miina dalumapaa ne kahukumuno Lahataꞌala. Anoa nofosampu luano oe bhalano ne dhuniando mie modai naꞌa, maka mpahinomo Nuh bhe mie pipituno poowaꞌano sumalamatino. Nuh ini sadhia nofofohatoꞌao dadi banara.