1 Timotius 2:1 - Muna Southern Dialect

¹ Kabhao-bhaono aesalo mpuu: foampe kamesalomu, sambaheamu, katondalamu so mie bhaimu bhe katumpuno lalo ne Lahataꞌala so kosasawindo manusia.

1 Timotius 2:1 Iomraidhean Croise

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Roma 1:8

Ametompunaꞌiane amoampe katumpuno laloku ne Lahataꞌala nesombaiku noangka ne Yesus Kristus hampano kosasawimiu itu. Ingka bhihitano kaparasaeamiu ne Yesus Kristus nokolelemo ne kosedhuniaꞌae ini.

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

1 Korintus 15:3

Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

2 Korintus 8:6

Kanandooꞌanomo taesalomo Titus namai we hintimiu namotoka kahadhaano kanini kaasi toka nefetompunaꞌino ne olotamiu itu.

Efesus 3:13

Dadiꞌanomo aesalo ne hintimiu, koise nondidiki lalomiu fetingke kanauꞌomu akadee-dee so hintimiu, kapaꞌamo kakadee-deeku ini so kaetaaꞌamiu.

Efesus 5:20

Sadhia mefoampeomu katumpuno lalo ne Lahataꞌala Amantoomu weo neano Omputo Yesus Kristus, o ae maka dua neꞌawamiu.

Efesus 6:18

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

Filipi 1:3

Taenomo afeꞌulaikoomu, sadhia aefoampe katumpuno lalo ne Lahataꞌala nesombaiku.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

1 Tesalonika 3:12

Sio-siomo dua Ompu namodhulu kabhalano kanini kaasimiu sapada-pada hintimiu bhe ne sabhaha mie ampa napontalabhi-labhi, pedamo dua kanini kaasi mani ne hintimiu.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

1 Timotius 2:4

Gaono mpuu Lahataꞌala, kosasawindo manusia dasumalamati bhe damandeꞌao kabanara.

1 Timotius 5:5

Bhihinanda dumadino weo kakae samoi-moisano, mpahinomo Lahataꞌala neposahunaꞌaonoa. Mentae mohondo nokampuu-mpuu nosambahea bhe nekatondala.

2 Timotius 2:24

Seemie palima-limano Ompu miina namantasia nopogiha, tamaka tabeano nomalu lalono ne sabhaha mie. Anoa tabeano nopande nofofoinaꞌu bhe nokosabaha.

Titus 2:11

Kapugauꞌaku peda anaꞌa, kapaꞌamo Lahataꞌala padamo nofotiwoha rahamatino nofosalamati kosasawindo manusia.

Titus 3:2

Fohatoda dua koise dofoꞌumbu, koe dopotaga-tagali, tamaka dapometaa bhe damotiwoha kamaluno lalondo ne sabhaha mie.

Ibrani 6:11

Gao mani mpuu hintimiu seemie-seemie motiwohaomu kansuhu kakampuu-mpuuno lalomiu ampa we kapuliaono, sampe neanta-antagimiu kotu-kotuꞌu nakoꞌulamo.

Yakobus 5:16

Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.